Barama hazırlamağın qaydaları – kümçünün baramaçılıq təcrübəsi

Barama hazırlamağın qaydaları – kümçünün baramaçılıq təcrübəsi Ölkədə baramaçılığı və ipəkçiliyi yenidən inkişaf etdirmək üçün rayon kənd təsərrüfatı idarələri barama qurdlarını gətirib kümçülərə paylayır. Lakin bəzi rayonlara barama ilk dəfə gətiriləcəyi üçün bu işlə yeni məşğul olmaq istəyən fermerlər onun saxlama qaydalarından bir o qədər də məlumatlı deyillər. Baramaçılıqla məşğul olan sahibkarlar barama qurdlarının saxlanma yeri və onların bəslənmə dövrü zamanı vacib olan qulluqlara diqqət yetirməlidirlər. Kümçü Elyar Cəfərov: “Barama minimum 20 dərəcə, maksimum 30 dərəcə istilik şəraitində yetişdirilir. Bir də ki, nəm işi var. Nəmləndirmək lazımdır. Bir qutu baramanın saxlanmasına 25 m2 yer lazımdır. Müxtəlif həşəratlardan qorumaq lazımdır. Saxlamamışdan 3-5 gün qabaq 40 faizli farmalinlə otaqlar dizinfeksiya olunmalıdır. Baramanın əsas çətinliyi 20-30-cu günlərdir. 20 günə qədər barama az yeyir. 20-ci gündən 5-ci yaş dövründə gündə 50-60 kq tut yarpağı yeyir. O dövr ərzində xammal olmalıdır.” Kənd Təsərrüfatı İdarəsinin rəisi Tofiq Rzayev: “Baramaçılıq sahəsində olan dünya təcrübəsini kümçülərə öyrətmək üçün təlimlər keçiririk. Bu yaxınlarda da videoçarxlar təqdim olunmaqla bir sıra bilgilərin verilməsini təmin etmişik.”