A ka marrë Behgjet Pacolli mesazh nga Rama për aeroportin e Vlorës?

Në një intervistë për emisionin “Opinion” në Tv Klan, biznesmeni i njohur Behgjet Pacolli dha versionin dhe ngriti pretendimet e tij lidhur me konfliktin për ndërtimin e Aeroportit të Vlorës. I pyetur nga gazetari Blendi Fevziu, marrë shkas nga lajmet që qarkullojnë, nëse ka marrë ndonjë mesazh nga kryeministri Edi Rama që të mos fliste për çështjen e aeroportit, Behgjet Pacolli shprehet i bindur se nuk ka marrë asnjë lloj mesazhi apo komunikimi nga kreu i qeverisë. Blendi Fevziu: A keni marrë ju një mesazh nga Rama që ju kërkon që të mos flisni dhe mos ta hapni këtë çështje të aeroportit siç është përfolur në media. Behgjet Pacolli: Jo asnjëherë nuk kam marrë dhe është prej një bisede të lirë që kam pasur me një gazetar, jo intervistë. Unë jam frikësuar se mos po përflitet emri i tij padrejtësisht. Blendi Fevziu: Nuk kemi marrë mesazh nga Rama? Behgjet Pacolli: Ju garantoj, moralisht dhe me përgjegjësi juridike ju them se Edi Rama asnjëherë nuk më ka folur  për këto probleme. Jam i bindur që Edi Rama e di konfliktin e aksioneve, vetëm prej asaj që është shkruar dhe folur. Jam shumë i zhgënjyer. Blendi Fevziu: Ky ka qenë një projekt i Edi Ramës, ka qenë ideja e tij për të pasur një aeroport aq të madhe atje, sepse ka pasur kundërshtime, për shkak se njerëzit thoshin që duhet një aeroport i vogël sezonal. Si mund të jetë tani Rama kaq i heshtur?! Behgjet Pacolli: Unë besoj se edhe të kishte qenë i zhurmshëm tani Rama, situata është duart e gjyqësisë dhe unë nuk besoj se që Rama me eksperiencën e vet, sjelljen e tij dhe me aq sa ka treguar sot do të ndikonte te gjyqësia. Nuk besoj. Intervista e Behgjet Pacollit vjen, pas marrjes në pyetje nga Prokuroria e Tiranës më 31 tetor, për afro katër orë. Ai u pyet nga togat e zeza lidhur me konfliktin e lindur mes tij dhe ortakut të tij, Valon Ademi, për koncesionin e aeroportit të Vlorës. Opinion nga Blendi Fevziu, emisioni politik më i ndjekur dhe më i preferuar në ekranet shqiptare. Arena e politikës shqiptare që prej 31 Gushtit 1997. Komente, analiza, debate, intervista, personazhe, dëshmi dhe fakte konkrete. Ngjarjet më të fundit dhe më të rëndësishme në jetën politike dhe sociale të vendit, me debatet, opinionet dhe analizat e të ftuarve në studio. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/ #Opinion #BlendiFevziu #TVKlan