കന്യാസ്ത്രീകളെ തറച്ച കുരിശ് - Challenges of a Nun Malayalam explained

കന്യാസ്ത്രീകളെ തറച്ച കുരിശ് - Challenges of a Nun Malayalam explained - Kureepuzha Vincent This video describes the challenges faced by Catholic Nuns all over the world. The video also describes how Canon Law controls the Nuns. Nuns don't have the right to acquire wealth. Sun Christian nun rape case like Aabhaya Case, Bishop Franco Mulakkal Case. വൻ തോതിലുള്ള മനുഷ്യാവകാശ ലംഘനങ്ങളും, വിലക്കുകളും, പീഡനങ്ങളുമാണ് കന്യാസ്ത്രീകൾ നേരിട്ടുകൊണ്ടിരിക്കുന്നത്. പീഡനങ്ങൾക്കെതിരെ സമരം ചെയ്ത കന്യാസ്ത്രീകള്‍ നേരിടുന്നത് കടുത്ത പ്രതികാരനടപടികളാണ്. കന്യാസ്ത്രീകൾ അനുഭവിച്ചുവരുന്ന പീഡനങ്ങളുടെ ഉള്ളറകൾ തേടിയുള്ളൊരു അന്വേഷണമാണ് ഈ പ്രഭാഷണത്തിലൂടെ ശ്രീ കുരീപ്പുഴ വിൻസെന്റ് നടത്തുന്നത്. കന്യാസ്ത്രീകളോട് എനിക്ക് വെറുപ്പില്ല. സ്നേഹവും സഹതാപവും സഹാനുഭൂതിയും മാത്രം. കാരണം, ദാരിദ്ര്യത്തിൻറെയും വിശ്വാസത്തിൻറെയും ഇരകൾ മാത്രമാണവർ. ഉറ്റവരാൽ ഉപേക്ഷിക്കപ്പെട്ടവർ ! ക്രിസ്തുമതത്തിനുവേണ്ടി ഉരുകിത്തീരുന്ന മെഴുകുതിരികളാണവർ. നമ്മളോടു പുഞ്ചിരിച്ചോ മുഖംകുനിച്ചോ കടന്നുപോകുന്ന ഓരോ കന്യാസ്ത്രിയുടെ മനസ്സിലും വേദനയും ദുഖവും നൈരാശ്യവും പെരുംകടലായ് ഉറഞ്ഞുകിടപ്പുണ്ട്. ഞാൻ അതറിഞ്ഞിട്ടുണ്ട്. പേരു പറയാൻ നിർവാഹമില്ലാതെ ഒരു മുഖം മനസ്സിലുണ്ട്. രോഗങ്ങളും കന്യാസ്ത്രീ ജീവിതത്തിൻറെ മിടിപ്പും ഏകാന്തതയും വീർപ്പുമുട്ടിക്കുന്നുവെന്ന് , അവൾ ഒരിക്കൽ , അവളുടെ സഹപാഠിയായിരുന്ന എൻറെ ലാലി(Wife)യോടു പറഞ്ഞു. എങ്കിൽ നിനക്ക് നിൻ്റെ വീട്ടിലേക്കു പൊയ്ക്കൂടേ ? ' എന്നു ചോദിച്ച ലാലിയോട് അവൾ ചോദിച്ചു. ഏതുവീട് ? കുടുംബം ഇപ്പോൾ ഇല്ല. അപ്പച്ചൻ മരിച്ചു. അമ്മ ഒരു സഹോദരൻറെ കരുണയിൽ കഴിയുന്നു. ഈ നാല്പത്തിരണ്ടാം വയസ്സിൽ , ഞാൻ ഇനി എവിടെ പോകും ? ആര് എനിക്കൊരു ജോലി തരും ? പിന്നീട് ഒരു ഓപ്പറേഷൻ കഴിഞ്ഞുകിടക്കവേ , അവൾ ലാലിയോട് ഒരു ആഗ്രഹം പറഞ്ഞു. നിൻ്റെ ആള് ഗൾഫീന്നു വരുമ്പോൾ എനിക്ക് ഒരു പായ്ക്കറ്റ്‌ ഈന്തപ്പഴം കൊണ്ടു വരാൻ പറയണം. ഞാൻ കൊണ്ടുവന്ന ഈന്തപ്പഴം വാങ്ങാൻ പക്ഷേ , അവൾ കാത്തുനിന്നില്ല. മഠത്തിലെ കിണറിൽനിന്ന് അവളുടെ ചേതനയറ്റ ശരീരം പുറത്തെടുക്കുന്നത് , കടലുകൾക്കക്കരെയിരുന്ന് ഞാൻ കണ്ണീരോടെ കണ്ടു. വീട്ടാൻ കഴിയാതെ പോയ ആ ആഗ്രഹം എൻ്റെ തീരാവേദനയാണ്. അന്നേ കുറിച്ചതാണ് മനസ്സിൽ ഇങ്ങനെ ഒരു പ്രഭാഷണം. പിറക്കാതെപോയ എൻ്റെ പ്രിയ സഹോദരീ ഈ വാക്കുകൾ നിൻ്റെ ഓർമ്മകൾക്കു സമർപ്പിക്കുന്നു . #Outgro #Nun #Kanyasthree #Convent #CanonLaw