لا تفارق من عين الليهو خالق يا خالق الأستاذ الدكتور يس عبدالعظيم تحياتي سعيد النقر 0917829402

تحياتى سعيد النقر الفادني لا تفارق من عين الليهو خالق يا خالق في جمالا متعجب في جمالا في هيبتها في دلالها في نورها الفوقها لألأ بسمتها الليلها بارق *** وِجيها البدر المكمل والضفائر طال ليلها و أليل وفاها كريزاً مبلل يخلي الشبعان يتاوق *** صديرا ال يادابو رمىّ الضمير حذّا و أخدلو زمة ساقها الما شُفنا ضُمة و قِديمها الما شالو عالق *** العجب كان شوفتو القديلة مبهدلي خلقو بهديلا واطي قلوب ديك وديلا و خصوص المتلي و مشالِق *** تشيق الزول في كلامها في نظرتها في سلامها شقي اليزهد في غرامها و يروح زي الضاربو فالِق *** سِميحة و أخلاقها طيبه العفاف لابسها هدوم وهيبه ما لقى الشناف فيها ريبة غير حميدو و شكرو المطابق *** شبيه القام في جناينو ما نجض واتحبكت زباينو بعيد يا الدايرين تعاينو ده فد وِحيد ما هو حايق *** الجمال كلو أدوهو ياها ما فضل للجايين وراها بقت فوق الفوق براها شن تسون يا بنات شايق *** الغريبة قِليبي يا خِلة لا فتر من ريدها لا كلَّ قال لي دي ما بتتخلى حتى كان اتقطع شقايق *** شِن حيلتي بلا التمني أو أقول في عيونها و أغني المرضني أريت كان كتلني أصلي من الموت ماني مارق