दादर मठ संस्थापक श्रीस्वामीभक्त शिरोमणी श्रीबाळकृष्ण महाराज

अक्कलकोट श्रीस्वामी समर्थ महाराजांची भक्त मांदियाळी खूप मोठी आहे. त्यातील श्रीतात महाराज हे व्यक्तीमहत्त्व विशेष होय. श्रीतात महाराजांवर आपण स्वतंत्र एपिसोड पुढे करणार आहोतच. त्यांचे शिष्य श्रीबाळकृष्णा महाराज सुद्धा श्रीस्वामी महाराजांचे निस्सीम भक्त होते आणि आहेत. तसे पाहता संत मंडळी कुठेच कधी जात नाहीत. त्यांचा देह त्याग,.. म्हणजे ते गेले असे म्हणता येणार नाही. आणि म्हणूनच श्रीबाळकृष्ण महाराजांकडे आज पण भक्तांच्या प्रार्थनेला एकले जाते. त्यांनी स्थापन केलेल्या दादर, मुंबई येथील श्रीस्वामी समर्थ मठ समस्त श्रीस्वामी भक्तांचे श्रद्धास्थान आहे. श्रीबाळकृष्ण महाराजांनी अनेक भक्तांना योग्य मार्ग दाखवला. संकट समयी त्यांनी वेळोवेळी जणू त्यांचा हात पकडून पैलतिरी नेले आणि श्रीस्वामी महाराजांचे नामसाधने कडे वळवले. त्यामुळे भक्ताजनांचा मोठा समुदाय श्रीबाळकृष्ण महाराजांकडे येत. १९१० मध्ये त्यांनी दादर, मुंबई येथे श्रीस्वामी महाराजांचा मठ स्थापन केला. या मठात त्यांनी फार छान भजनाची प्रथा घालून दिली आहे. आता पण या मठात दर शनिवारी अहोरात्र भजन चालते. श्रीबाळकृष्ण श्रीस्वामी महाराजाना आजोबा म्हणत. या वरून त्यांचे श्रीस्वामी महाराजांवरील प्रेम दिसते. अश्या या श्रीस्वामीभक्त शिरोमणी श्रीबाळकृष्ण महाराजांचा अल्प परिचय या एपिसोड द्वारे करून देण्याचा एक प्रयास आपण केला आहे. त्यांच्या चरित्रातील काही दुर्मिळ प्रसंगांवर आपण पुढे आणखी एपिसोड घेवून येणारच आहोत. तो पर्यंत या महान श्रीस्वामीभक्ताला समस्त श्रींच्या भक्तजणांचे त्रिवर लोटांगण. आपला मिलिंद नंदकुमार पिळगांवकर ९३७२ ०६० १९६