Fuscal - Rebumbio na Fiestra

Tema 4 do álbum "Brétema" de FUSCAL Melodic Black Doom Metal Letra Rebumbio na fiestra Asubío infernal, arrefría os miolos, esvaece o corpo, viaxa nos contos que quentan teu lar. En cada noite espalla unha ausencia. A cada alento infrinxe un arrepío, marmurio baleiro, que asoballante, cubre de cotío, todo o teu fungar . Acaríñame! Québrame o rostro! esvaece estas verbas! Arrefríame o peito! e desfaime na brétema de Breogán. Sopra polos corredoiros, abrindo fendas na memoria, removendo vellas sombras. Trae consigo un segredo de voz constante e rouca, e en cada refacho unha lembranza engaiola. Os nomes! a pel! as cores dun mundo adoitado a perecer. E así, entre o frío e o silencio, un oco de aire que chama por nós, gardado no espazo que unha vez tinguiches de son! Non é noso, é do vento! será contigo, o último alento!