கோவலன் கண்ணகை கதை(கொங்குநாட்டு வாய்மொழிக் காப்பியம்) பகுதி - 3 (மதுரைப் பருவம்)

நிகழ்த்தியோர் : கலைஞர் திரு.க.மயில்சாமி (தேவனாம்பாளையம்), கலைஞர் திரு.நா.சுப்பிரமணியம் (குன்னத்தூர்) ஆக்கம் : முனைவர் த.பரமேசுவரி, முனைவர் நி.கனகராசு ஒளி-ஒலிப்பதிவு : முனைவர் இர.நெப்போலியன், ஜெ.வேணு காணொலி வடிவமைப்பு : தமிழி அருள் Kovalan Kannagai Kadhai (Kongu Nattu Vaimozhik Kappiyam) Part - 3 Performers : Thiru K.Mayilsami, Thiru N.Subramainayam Editors : Dr. T.Parameshwari, Dr.N.Kanagarasu புலமை மரபில் வழங்கப்பட்ட கண்ணகி கதை சிலப்பதிகாரமாகத் திகழ்கிறது. நாட்டார் மரபிலும் ஏரளானமான கண்ணகி கதைகள் தமிழ்நாட்டின் பல்வேறு வட்டாரங்களிலும் கேரளா, இலங்கை போன்ற பகுதிகளிலும் வழங்கப்படுகின்றன. நாட்டார் இசைக்கருவிகளிலும் கும்மி, தெருக்கூத்து எனும் நிலைகளிலும் சடங்கின் நிமித்தமாகவும் மழை வேண்டியும், திருமணத்தடை நீங்கவும் கண்ணகி கதைகள் கிராமங்களில் வேனிற் காலங்களில் படிக்கப்படுகின்றன. பொள்ளாச்சி, ஆனைமலை, உடுமலை ஆகிய தென்கொங்கு பகுதிகளில் வழங்கப்படும் கோவலன் கண்ணகை கதையை, தேவனாம்பாளையத்தைச் சார்ந்த திரு.க.மயில்சாமி குழுவினர் கடந்த 50 ஆண்டுகளுக்கும் மேலாக வழங்கி வருகின்றனர். உடுக்கையடித்துப் பாடப்படும் இக்கதை கண்ணகி குறித்த ஆய்வுகளுக்கு நிகழ்காலத் தன்மையைத் தரும் ஆக்கமாகவும் இன்றும் விளங்குகிறது. இக்கதை குழந்தைப் பருவம், திருமணப் பருவம், மதுரைப் பருவம் என மூன்று பகுதிகளைக் கொண்டிருக்கிறது. புகழேந்திப்புலவர் எழுதிய கோவலன் நாடகத்தின் கதையை இந்தப் பகுதியில் வழங்கப்படும் இக்கதை தழுவியபோதும் கொங்கு நிலவியல், பண்பாட்டின் பின்னணியிலும் மொழிதல் தன்மையிலும் தனித்துவமாக உள்ளது. மதுரையில் தொடங்கும் கதை புகாரில் கிளைத்து மதுரையில் கொதிநிலை கண்டு மலையாள நாட்டில் கடவுளாகத் தணிகிறது. கண்ணகி கதைகளின் பல்குரல்தன்மையை அறிய இக்கதை புதிய திறப்பு. Transcript