ஒரு மழை நாளில்... கவிதை வரிகள் இளையவேணி கிருஷ்ணா 🦋🍂❤️//குரலாக்கம்:ஏஐ 🎧🍂

வணக்கம் நேயர்களே 🙏 மீண்டும் எமது கவிதை துளிகளை ஏஐ இசையில் கேட்டு மகிழலாம் வாருங்கள்... இதோ அந்த கவிதை ஒரு மழை நாளில் நாம் சேர்ந்து ஒரு குழந்தையை போல அந்த வீதியில் ஓடும் நீரில் காகிதத்தில் கப்பல் செய்து விட்ட அந்த நாளை அந்த வீதியில் நடக்கும் போதெல்லாம் அசைப்போடும் என் நெஞ்சம்... அந்த பூங்காவில் நீ முதன் முதலாக உன் காதலை சொல்லி விட்டு என் முகத்தை ஆவலாக பார்த்த தருணத்தை ஒரு ஓவியம் போல என் மனதின் சுவரில் மாட்டி வைத்து இருப்பதை நீ அறிய மாட்டாய்... அந்த சமுத்திரத்தின் கரையில் உன் கையை பிடித்து பல கதைகளை உன்னோடு பகிர்ந்து கொண்டதை இப்போதும் அங்கே சுற்றி திரியும் காற்று ஞாபகம் வைத்து விசாரிக்கிறது என்னை... என் பிரியமான புல்லட் நான் சோக கீதம் வாசித்து அதன் கியரை கோபமாக அழுத்தி அதி வேகமாக பயணித்ததில் உன் மீதான அதீத காதலினால் நீ என்னை விட்டு விலகி உடைந்த துயரத்தை உணர்ந்துக் கொண்டு என்னோடு நீ இல்லாத அந்த வெற்றிடத்தை நிரப்ப பெரும் பிரயத்தனங்களை சந்திக்கிறது... இங்கே உடைந்த பந்தங்களை இணைப்பதென்பது ஒரு உதிர்ந்த கயிற்றை மீண்டும் பிணைப்பதற்கு சமம் என்று நான் சொல்வதை கேட்காமல் அந்த காலம் என் காதலின் ரணத்தை ஆற்ற அந்த கயிற்றை நெடுநாட்களாக வெகு நிதானமாக... லாவகமாக பிணைத்து எடுத்து வருகிறது அங்கே... நீயும் நானும் அதில் சிறைப்படும் போது உன் மூச்சு காற்று என்னையோ என் மூச்சு காற்று உன்னையோ ஒரு வேளை சமாதானம் செய்து நீ அதற்கு உடன்பட்டால் ... அங்கே உடைந்த நம் பந்தம் ஒட்டி உறவாடி பெரும் காதலில் நாம் ஆனந்தமாக பயணித்து இருக்க போவதை பார்த்து அந்த காலம் கண்ணீரோடு ஆசீர்வாதம் செய்ய காத்திருக்கும் என் பேரன்பின் பொக்கிஷ துளியே.... #இளையவேணிகிருஷ்ணா. நாள்:02/07/26. #இளையவேணிகிருஷ்ணா #ஓஷோ #கலை #கவிதை #கவிதைநேரம் #வாழ்வியல்கதை #கவிதைஉலகம் #குயவன் #இரவுகவிதை #ஒருமழைநாளில் #பொக்கிஷதுளியே...