Sleeping Pills | தூக்க மாத்திரை | பக்க விளைவுகள் | Side Effects | அதற்கு பதிலாக செய்ய வேண்டியவை ...

Sleeping Pills | தூக்க மாத்திரை | பக்க விளைவுகள் | Side Effects | அதற்கு பதிலாக செய்ய வேண்டியவை ... தூக்க மாத்திரைகளைச் சாப்பிடலாமா? தினமும் 6 மணி நேரம் முதல் 8 மணி நேரம்வரை நன்றாகத் தூங்கிய ஒருவர் திடீரென்று இரண்டு வாரங்களுக்கும் மேலாகக் குறைந்த நேரமே தூங்குகிறார் அல்லது சரியான தூக்கம் இல்லாமல் தவிக்கிறார் என்றால் அவருக்குத் தூக்கமின்மைப் பிரச்சினை (Insomnia) உள்ளது என்று பொருள். இன்றைய வாழ்க்கை முறையில் தூக்கப் பிரச்சினை பள்ளி செல்லும் குழந்தைகள் முதல் படுக்கையில் படுத்திருக்கும் தாத்தா/பாட்டிகள் வரை பாதிப் பேருக்கு நீடிக்கிறது. ஒருவர் நாளொன்றுக்கு 6 - 8 மணி நேரம் தூங்கினால் நல்லது. தொடர்ந்து தூக்கம் குறையும்போது உடலும் உள்ளமும் பாதிக்கப் படும். வழக்கமான சுறுசுறுப்பு குறையும். கவனம் சிதறும். காரணம் இல்லாமல் எரிச்சல் வரும். கோபம் கொப்பளிக்கும். மனம் நிதானம் இழக்கும். பொறுமை பறிபோகும். பணியில் தவறுகள் அதிகமாகும். பணித் திறன் குறையும். மறதி ஏற்படும். பசி குறையும். கண் எரிச்சல், தலைவலி, உடல் அசதி, வயிற்றில் எரிச்சல், குறுமயக்கம் போன்றவை அடிக்கடி வரும். தூக்கம் குறைவது ஏன்? குடும்பச்சுமை, பணிச்சுமை, மனக்கவலை, அடிக்கடி நெடுந்தூரப் பயணம் மேற்கொள்வது போன்றவை தூக்கமின்மைக்கு அடுத்த காரணங்கள். வேலையின்மை, வாழ்க்கைத் தோல்விகள், ஏமாற்றங்கள், இழப்புகள், முதுமை, தனிமை போன்றவையும் தூக்கத்தைக் குறைப்பதில் முக்கியப் பங்கு வகிக்கின்றன. மன அழுத்தம், மனச்சிதைவு நோய், மனச்சோர்வு, குற்ற உணர்ச்சி, பயம், பதற்றம் போன்றவற்றாலும் தூக்கம் குறைவது உறுதி. தூக்க மாத்திரைகளைச் சாப்பிடுவது நல்லதா? தூக்கம் குறைவாக உள்ளவர்கள் உடனே தூக்க மாத்திரைகளைத் தேடிப்போகக் கூடாது. சுயமாக மருந்துக் கடைகளில் தூக்க மாத்திரை வாங்கிச் சாப்பிடக் கூடாது. சுயமாக/அளவுக்கு அதிகமாகத் தூக்க மாத்திரை சாப்பிடுவதும், தேவையில்லாமல் சாப்பிடுவதும் கல்லீரல், சிறுநீரகம், மூளை, நரம்புகள் போன்றவற்றைப் பாதிக்கும். மறதி தலைகாட்டும். தூக்க மாத்திரையில் பல வகை உண்டு. ஆளுக்கு ஆள் இதன் தேவை வேறுபடும். தூக்கமின்மைக்குக் காரணம் தெரிந்து, அதைக் களைய வேண்டும். பிறகு அந்தக் காரணத்துக்கு ஏற்பவும் அவரவர் தேவைக்கேற்பவும் அளவறிந்து குறுகிய காலத்துக்கு மட்டுமே தூக்க மாத்திரைகளைச் சாப்பிட வேண்டும். இதற்கு மருத்து வரின் ஆலோசனை தேவைப்படும். மனத்தை அமைதிப்படுத்தும் மாத்திரைகளும் தூக்கத்தை வரவழைக்கும். ஆனால், இவற்றைத் தொடர்ந்து சாப்பிட வேண்டியிருக்கும். ஆகவே, எந்த மாத்திரையை எவ்வளவு நாள் சாப்பிடுவது என்பதை மருத்துவரே தீர்மானிக்க முடியும். ஆரோக்கியத் தூக்கத்துக்கு என்ன வழி? தூக்கம் வரும்வரை உறவுகளுடன் மனம்விட்டுப் பேசலாம். புத்தகம் படிக்கலாம். இசை கேட்கலாம். ஓவியம் வரையலாம். தினமும் காலையில் நடைப் பயிற்சி/உடற்பயிற்சி/யோகா/தியானம்/பிரணாயாமம் செய்ய வேண்டும். உடற்பயிற்சிகளை இரவில் செய்ய வேண்டாம். அன்றாட வேலைகளில் பாதிப்பில்லை என்றால் பகலில் அதிகபட்சம் 45 நிமிடம் குட்டித்தூக்கம் போடலாம். ஆனால், முதியவர்களும் இரவில் நெடுநேரம் தூக்கம் வரவில்லை என்று சொல்பவர்களும் பகலில் குட்டித்தூக்கம் போடுவதைத் தவிர்ப்பதே நல்லது. படுக்கையறை நல்ல காற்றோட்டமுள்ள இடத்தில் இருந்தால் நல்லது. அங்கே அதிக வெளிச்சம் கூடாது; அதிக சத்தமும் ஆகாது. தூங்குவதற்கும் தாம்பத்தியத்துக்கும்தான் படுக்கையறையே தவிர, வேறு பணிகளுக்கு அது உகந்த இடமல்ல என்பதை எப்போதும் நினைவில் கொள்ள வேண்டும்! முக்கியமாக, கண்களை மூடும்போதே கவலைகளையும் மூடினால் சுகமான தூக்கம் உறுதி. #sleepingpills #sideeffects #goodsleep #seniorcitizens #overdose #insomnia #stress #stressrelief #sleepy #intestine #goodbacteria #infant #sleeplessnights #sugar #bloodpressure #tv #mobile #laptop #milk #coffee #yoga #walking #exercise #brand #seoul #lynaroundthailand #sretsis #milin #happypills #pills #zarathailand #adidasthailand #lookbook #landmee #kayasis #sleepingpill #somethingboudoir #disaya #s #asava #dietpills #lookbooklookbook #bedroom #seoulstudio #coatover #pillsbury #basicbysita #innitbangkok #insomnia #vimaxpills #photopills #plantsoverpills AL Arogya Hospital follow us on:   / drbharathial   follow us on:   / rs_naturalbirthing   follow us on:   / dr.bharathi_backpainclinic   follow us on: https://www.threads.net/@rs_naturalbi... follow us on:   / arogyaal