ஸ்ரீகற்பக விநாயகப் பெருமானுக்கு சங்கடஹர சதுர்த்தியை முன்னிட்டு சிறப்பு அபிஷேகம்.

தூத்துக்குடி மாவட்டம் கோவில்பட்டி வ.உ.சி நகரில் உள்ள ஸ்ரீகற்பக விநாயகப் பெருமானுக்கு சங்கடஹர சதுர்த்தியை முன்னிட்டு சிறப்பு அபிஷேகம். சங்கடஹர சதுர்த்தியை முன்னிட்டு தூத்துக்குடி மாவட்டம் கோவில்பட்டி வ.உ.சி நகரில் உள்ள அருள்மிகு ஸ்ரீ கற்பகம் விநாயகர் திருக்கோவிலில் அமைந்துள்ள விநாயகர் பெருமானுக்கு திருமஞ்சனம், மஞ்சள், பால் தயிர், தேன், விபூதி, சந்தனம், பன்னீர் உள்ளிட்ட வாசனை திரவியங்களால் சிறப்பு அபிஷேகம் நடைபெற்றது. அதனைத் தொடர்ந்து வண்ண மலர்களால் அலங்கரிக்கப்பட்ட விநாயகப் பெருமானுக்கு அருகம்புல் மாலைகள் சாற்றி அவல், பொறி, சர்க்கரை பொங்கல் படையலிட்டு நெய்வேத்தியம் காண்பிக்கப்பட்டு பஞ்சமுக தீபாராதனையுடன் சிறப்புபூஜை நடைபெற்றது. இதில் திரளான பக்தர்கள் கலந்து கொண்டு அர்ச்சனைகள் செய்து வழிபாடு செய்தனர்.