Pa Gjurme-Në prani të prindërve të moshuar prek 24-vjeçarja: S’më dhurojnë dot...(27.01.22)

Irena kotollaku është një 24-vjeçare, e cila çdo ditë lufton me sëmundjen që i është shfaqur në veshka 9 vite më parë. Në moshën 15-vjeçare me shqetësimet e para të cilat e rënduan edhe më shumë kur 4 vite më pas u diagnostikua me sëmundjen. Spitali për të është bërë si një shtëpi e dytë. Mes lotësh Irenës e kujton mirë ditën kur mësoi për sëmundjen. Por edhe më shumë e vështirë u bë situata për të, kur për shkak të pamundësisë ekonomike ajo nuk ka mundur dot të bëjë transplantin. Kjo gjë e detyron këtë 24-vjeçare të bëjë dializë 3 herë në javë, aty ku qëndron afro 4 orë në ditë. E rraskapitur, pas kthimit nga spitali Irena nuk ka kohë të qetësohet, pasi i duhet të kujdeset edhe për prindërit e moshuar dhe gjithashtu të sëmurë. Ai që e shoqëroi të renë ditën kur bluzat e bardha i dhanë lajmin e trishtë, ishte babai i saj, Rizai i cili me lot në sy thotës se është gati që të dhurojë veshkën e tij për të bijën, por nuk mundet dot. Me një fizik të dobët dhe pamundësi ekonomike për ta ndihmuar të bijën, e përlotur nëna Olimbi bën thirrje për ndihmë. I dhemb shpirti kur e sheh të mbyllur mes katër mureve, vajzën 19 vjece që nuk mundet të gëzojë si bashkëmoshatarët e saj. Irena sot ka nevojë për mbështetjen e të gjithëve ne, për t’i rikthyer edhe një herë buzëqeshjen. Kostoja për transplantin arrin shumën e në 60 mijë euro, kosto kjo e papërballueshme për një familje që jeton në kufijtë e mbijetesës.