Mbi 1 mijë euro në javë/ Kostoja mesatare e pushimeve në Shqipëri, sipas ekspertes së ekonomisë

Pushimet verore në Shqipëri mund të jenë të përballueshme, në varësi të standardit të zgjedhur. Kështu u shpreh ekspertja e ekonomisë, Etleva Treska, e cila ishte e ftuar në emisionin “Rudina”, në Tv Klan, nga ku bëri një analizë të shkurtër për mundësitë e pushimeve sipas buxheteve. Sipas Treskës, një person që udhëton me buxhet të kufizuar mund të planifikojë pushime me një kosto ditore prej 30-50 euro për person. Për një javë, shpenzimet variojnë nga 210 deri në 350 euro. Në këtë kategori, akomodimi kushton 15-30 euro për natë, ndërsa ushqimi rreth 10-15 euro në ditë. Për ata që zgjedhin një standard mesatar, kostoja ditore varion nga 60 deri në 100 euro për person, ose 420-700 euro për një javë. Akomodimi kushton 40-80 euro për natë, ndërsa ushqimi 15-40 euro në ditë. Sipas ekspertes, në kategorinë e komfortit të lartë, shpenzimet ditore llogariten nga 120 deri në 180 euro për person, ndërsa një javë pushime kushton nga 840 deri në 1 mijë e 260 euro. Çmimet e akomodimit lëvizin nga 90 deri në 150 euro për natë, ndërsa ushqimi kushton 40-60 euro në ditë. Për pushime luksoze, buxheti i nevojshëm është mbi 200 euro në ditë për person dhe mbi 1 mijë e 400 euro për një javë. Vetëm akomodimi nis nga 200 euro për natë, ndërsa shpenzimet për ushqim janë mbi 60 euro në ditë. Një show argëtues dhe informativ nga Rudina Magjistari, që shoqëron çdo pasdite familjet shqiptare, si programi më i ndjekur në këtë fashë orar, me të ftuar të shumtë VIP, por dhe njerëz të thjeshtë me historitë e tyre personale. Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/ #Rudina #RudinaMagjistari #TVKlan