Top News- Bosi shqiptar i drogës që ka 140mln euro/ Vrasja e parë 19-vjeç, drejton mafian në Ekuador

Dritan Rexhepi është një nga kriminelët më të rrezikshëm me origjinë shqiptare, pasuria e të cilit përllogaritet në rreth 140 milionë euro. Rexhepi vrasjen e parë e kreu në moshën 19-vjeçare, kur qëlloi 37 plumba mbi një oficer policie dhe një pronar dyqani në vendin tonë, duke i lënë të dy të vdekur. Megjithatë, ai do të arratisej drejt Italisë, duke i shpëtuar burgut, dhe në pranga do të binte vetëm në vitin 2007, i akuzuar për vjedhje në dy banesa, akuza për të cilat u dënua me pesë vjet. Ai sërish do të lirohej, për t’u arrestuar më pas në korrik 2011, në atë kohë 31-vjeç, për një sërë grabitjesh në Barcelonë, Spanjë, me këta të fundit që ia dorëzuan Belgjikës sepse duhej të vuante edhe pesë vite burg. Mirëpo në Anterëerp, duke mos e ditur rrezikshmërinë e Rexhepit, e vendosën në një burg të sigurisë së zakonshme, nga ku Rexhepi u arratis për t’u strehuar më pas në Amerikën e Jugut. Ai qëndroi larg duarve të Policisë për tre vite, derisa policia e arrestoi në vitin 2014 në kryeqytetin ekuadorian Quito. Rexhepi kishte disa pasaporta në xhep dhe pamja e tij kishte ndryshuar, por u identifikua vetëm nga gjurmët e gishtave. Rexhepi përfundimisht u burgos për 13 vjet për kontrabandë droge. Mediat belge shkruajnë se në burg, Rexhepi arriti deri në majë, ku ai u pa nga Europoli si lideri i grupit “Kompania Bello”, një aleancë e 14 organizatave kriminale shqiptare që kontrabandonin tonelata kokainë në Evropë. Ai është cilësuar si tipi i kriminelit nga Ballkani që ngre aktivitetin në Amerikën e Jugut për të marrë në dorë të gjithë zinxhirin e kontrabandës së drogës. Pamje:AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Ekuador#TopChannel