Naat Shareef | Chehra Hai Ke Anwaar-e-Do Aalam Ka Sahifa | Mohsin Naqwi | Arif Equbal Misbahi

Naat Shareef | Chehra Hai Ke Anwaar-e-Do Aalam Ka Sahifa | Mohsin Naqwi | Arif Equbal Misbahi ___________________________ Programme: Urs e Arifi | عرسِ عارِفی | उर्से आरिफ़ी Place: Khanqah e Arifia, Saiyed Sarawan, Kaushambi, Uttar Pradesh Date: 18 June 2022 ___________________________ چہرہ ہے کہ انوارِ دو عالم کا صحیفہ آنکھیں ہیں کہ بحرینِ تقدس کے نگیں ہیں ماتھا ہے کہ وحدت کی تجلی کا ورق ہے عارض ہیں کہ “والفجر” کی آیت کے امیں ہے گیسو ہیں کہ “وَاللَّیل” کے بکھرے ہوئے سایے ابرو ہیں کہ قوسینِ شبِ قدر کھُلے ہیں گردن ہے کہ بَر فرقِ زمیں اَوجِ ثریا لب، صورتِ یاقوت شعاعوں میں دُھلے ہیں قَد ہے کہ نبوت کے خد و خال کا معیار بازو ہیں کہ توحید کی عظمت کے عَلَم ہیں سینہ ہے کہ رمزِ دلِ ہستی کا خزینہ پلکیں ہیں کہ الفاظِ رُخِ لوح و قلم ہیں باتیں ہیں کہ طُوبیٰ کی چٹکتی ہوئی کلیاں لہجہ ہے کہ یزداں کی زباں بول رہی ہے خطبے ہیں کہ ساون کے امنڈتے ہوئے دریا قِرأت ہے کہ اسرارِ جہاں کھول رہی ہے یہ دانت، یہ شیرازۂ شبنم کے تراشے یاقوت کی وادی میں دمکتے ہوئے ہیرے شرمندۂ تابِ لب و دندانِ پیمبر حرفے بہ ثنا خوانی و خامہ بہ صریرے یہ موجِ تبسم ہے کہ رنگوں کی دھنک ہے یہ عکسِ متانت ہے کہ ٹھہرا ہوا موسم یہ شکر کے سجدے ہیں کہ آیات کی تنزیل یہ آنکھ میں آنسو ہیں کہ الہام کی رِم جھم یہ ہاتھ، یہ کونین کی تقدیر کے اوراق یہ خط، یہ خد و خالِ رُخِ مصحف و انجیل ___________________________ #naatshareef #mohsinnaqwi #newkalam #urdunaat #naat #ursearifi #khanqahearifia #alehsanmedia