ပဋ္ဌာန်းတရား#၂၄ပစ္စည်း #ပဋ္ဌာန်း #မဟာကန်ပတ်လည်ဉီးနန္ဒမဉ္ဇူသာ #DhammaDarnaMmt #Buddha #dhamma

#၂၄ပစ္စည်း #ပဋ္ဌာန်း #မဟာကန်ပတ်လည်ဉီးနန္ဒမဉ္ဇူသာ #DhammaDarnaMmt #Buddha #dhamma အမြတ်ဆုံး အလှူ လောကမှာရှိရှိသမျှ အလှူအားလုံးထဲမှာ တရားအလှူဟာ အနှိုင်းမဲ့အလှူ ဖြစ်ပါတယ်။ ဘာလို့လဲဆိုတော့ တရားအလှူထက်ပိုပြီး အလှူခံပုဂ္ဂိုလ်ကို ကောင်းကျိုးပြုပါတယ်လို့ နှိုင်းယှဉ်စရာ၊ အစားထိုးစရာ၊ ထပ်တူပြုစရာ တစ်ခြားအလှူ မရှိတော့လို့ပါပဲ။ သတ္တဝါတွေ ကောင်းမှုအကျိုးခံစားရပြီး ချမ်းသာပြည့်စုံနေရခြင်းရဲ့ ပင်မအကြောင်းတရားကတော့ တရားအလှူပါပဲ။ တရားအလှူမရှိရင် ကုသိုလ်ကောင်းမှုမရှိနိူင်၊ ကုသိုလ်ကောင်းမှုမရှိရင် ကောင်းကျိုးချမ်းသာ မရှိနိူင်တဲ့အတွက် အလှူအားလုံးထဲမှာ တရားအလှူသည်သာ အကောင်းဆုံး၊ အမြတ်ဆုံးအလှူ၊ အနှိုင်းမဲ့အလှူ ဖြစ်ရပါတယ်။ ဗုဒ္ဓဘာသာ၀င်မှန်ရင် မလုပ်မဖြစ်လုပ်ရမယ့် ကောင်းမှု ဆယ်မျိုးထဲမှာ "ဓမ္မဒေသနာ(ဓမ္မဒါန)" တရားဟောကြားခြင်းဆိုတဲ့ ကောင်းမှုတစ်ခု ပါ၀င်ပါတယ်။ ဓမ္မဒါနကောင်းမှုဆိုတာ ဘုန်းကြီးတွေသာ လုပ်ရမယ့်အလုပ် မဟုတ်ပါဘူး။ လူ၀တ်ကြောင်တွေလည်း လုပ်ရမယ့် အလုပ်ပါ။ ပလ္လင်ပေါ်မှာ ထိုင်ဟောမှလည်း ဓမ္မဒါန မဟုတ်ပါဘူး။ သွားရင်းလာရင်း တရားစကားပြောဆိုတာဟာလည်း ဓမ္မဒါနပါပဲ။ တရားစာပေ ပို့ချသင်ကြားတာဟာလည်း ဓမ္မဒါနပါပဲ။ နူတ်ကထုတ်ပြောမှလည်း ဓမ္မဒါန မဟုတ်ပါဘူး။ တရားနဲ့ပက်သက်တဲ့ စာပေရေးသားတာ၊ တရားစာအုပ်လှူတာ၊ တိပ်ခွေလှူတာ၊အပြီးမလှူတောင်မှ ခတ္တငှားရမ်းတာ၊ တရားဟောပြောသူ၊ တရားစာရေးသားသူကို တတ်စွမ်းသမျှ လူအား၊ ပစ္စည်းအားနဲ့ ကူညီထောက်ပံ့တာ... ဒါတွေအားလုံးဟာ ဓမ္မဒါန တရားအလှူတွေချည်းပါပဲ။ 🙏ဆရာတော် အရှင်ဆန္ဒာဓိက (ရွှေပါမီတောရ)🙏