«1 теңге қарыз үшін шотты бұғаттайды». Салық органдарының бұл әрекеті қаншалықты заңды?

Ел азаматтары салық органдары мен сот орындаушыларына наразы. Себебі құзырлы мекемелер азаматтардың жеке шоттарын болмашы қарыздар үшін автоматты түрде ескертусіз бұғаттап тастайтын көрінеді. Ал мемлекеттік кірістер комитетінің мамандары кәсіпкердің тіпті 1 теңге қарызы болса да шотты жауып тастауға толық құқылы екенін айтады. Айнұр Азаматқызы жас кәсіпкер. Кірістер комитетіне жылына екі рет жарты жылдық салығын төлеп отырады. Айтуынша, осы жолғы тамызда мемлекет алдындағы барлық берешегін жапқан. Бірақ қалған 138 теңге төленбей қалғандықтан, салық органдары барлық шоттарын бұғаттап тастапты. АЙНҰР АЗАМАТҚЫЗЫ, жеке кәсіпкер: – Осы жолғы тамыз айындағы есебімде 130 теңгем жетпей қалған екен. Бірақ ол уведомление маған түнгі сағат 12де келіп тұр. Ал таңертең қарасам менің барлық шоттарымды бұғаттап тастапты. Енді маған осы 130 теңгеге бола шотты бұғаттамай ақ ескерсе болар еді ғой. Ал белгілі актер Артур Төлепов мемлекет алдындағы айыппұлын жапқанымен, сот орындаушылары екі жыл бойы жеке шоттарын бұғаттан шешпей қойған екен. АРТУР ТӨЛЕПОВ, актер: – Жарайды сіздің шотыңызды блокировать етті, бірақ оның ішінде ақша бар ғой. Төлеу керек қой, оның каспиін жауып тастаған басқа банк шоттарын. Осы ретте көптеген сұрақтар туады да сонда, ол ақша карточкасында бола тұра оны қалай шешеді? Сот орындаушылар бұл жағдайда терминалдар мен өзге адамның каспиголды арқылы төлеуге болатынын айтады. Ол жерге өзңіздің тек ЖСН нөміріңізді терсеңіз, қарызыңыздың сомасы бірден шығады. АЙБЫН ӨТЕГЕНОВ, Нұр-Сұлтан қаласы жеке сот орындаушылар палатасы басшысының орынбасары: – Егерде Каспи терминалдар арқылы төленететін болса, борышкерге қойылған бұғаттар автоматты түрде шешіледі. Және ол туралы борышкерлер жеке сот орындаушыларға хабарлауға міндетті. Салық органдары Айнұр сияқты кәсіпкерлерді үш санатқа бөліп тастаған. Мысалға тәуекелділігі жоғары санаттағы кәсіпкерлерге төлемді тек бір күнге кешіктірсе, ертеңге күні шоттарын бұғатталады. Одан кейін орташа тәуекелдегі кәсіпкерлерге алдын ала 10 күн бұрын ескерту жасалынады. Ал ең төменгі санаттағы кәсіпкерлерге хабарлама да келмейді. Олар 30 күн ішінде қарыздарын төлемесе барлық шоттарын толық жабылады. Ал егерде ескертуге қарамастан, кәсіпкерлер мүлдем төлемесе, мемлекет автоматты түрде шоттағы қаржыдан берешек соманы алуға құқылы. АЛДАНЫШ АДАМБЕКОВ, Қарағанды облысы мемлекеттік кірістер департаментінің басқарма басшысы: – Егер салық берешегі болса онда 6 АЕКтен төмен болса, онда бұғатталу жасалмайды. Егер әлеуметтік төлемдерге келсек, ол жаңағы зейнетақы, әлеуметтік қорға төленетін төлем, медициналық төлемдер. Бұл төлемдерде 1 теңге болса да бұғаттау жасалана береді. Елде 60 551 жеке кәсіпкердің 13 837,0 млн.тг салық берешегі бар. Ал әлеуметтік төлем бойынша, 148 501 жеке кәсіпкер 1 817, 5 млн.тг қарыз. Диана Сапарқызы Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #салық #шотты_бұғаттау #арест #ИПН #салық_түрлері