Zəfər şeirləri/qələbə şeirləri/zəfərə aid şeirlər

1.Qarabağ artıq azaddır Dalğalandı Qarabağda,bugün zəfər bayrağımız, Heç vaxt yerdə qalmayacaq,axıdılan qanlarımız. Düşmənlərdən təmizləndi,dədə-baba torpağımız. Canlarını fəda edən,şəhidlərin ruhu şaddır. Xəbər olsun Mübarizə, Qarabağ artıq azaddır! Məhv elədi düşmənləri,dastan yazdı şanlı ordu, Xocalıda öldürülən hər can üçün hesab sordu. Baxın görün otuz ildə neçə oğul şəhid oldu, Cənnətdədir onlar bugün, şəhidlik ən uca addır, Deyin Polad Həşimova, Qarabağ artıq azaddır! Qarabağ türk torpağıdır, yenə elə qalacaqdır, Qarabağa göz dikənlər başlarından olacaqdır. Şanlı ordum yenilməzdir, daim zəfər çalacaqdır, Qarabağ Azərbaycandır,gerisi cəfəngiyatdır! Səhidlərim, qazilərim, Qarabağ artıq azaddır! 2.Qazilər şeiri Bugün qazilərdən danışacağam, Hər biri aslandır, şirdi qazilər, Vətənə göz dikən xain düşmənin, Qorxmadan başını əzdi qazilər. Ölümün üzünə gülümsəyərək, Şəhadət andını içdi qazilər. Vətəni canından üstün bilərək, Öz sağlamlığından keçdi qazilər. Gördü ki vətəni qaranlıqdadır, Ona qurban verdi gözünün nurun. İtirdi döyüşdə ayağın,qolun, Vətən əllərindən tutacaq onun. Onlara qüsurlu kimi baxanlar, O qüsur sizlərin ürəyindədir, Vətən namusuna atılan mərmi, Bugün də qazinin bədənindədir. Düşmənlər önündə çəpər oldular, Qatil gülləsinə sipər oldular, Heç vaxt unutmarıq biz qaziləri. Vətən savaşında zəfər çaldılar. Allah şəfa versin hər birinizə, Sizin varlığınız fəxrdir bizə. Sağolun vətənin mərd oğlanları, Zəfər yaşatdınız siz ölkəmizə. 3.Azərbaycan ordusu Güclülərin sırasında qərar tutub sənin adın, Sən həmişə zəfərlərə çox inamla addımladın, Dastanlara mövzu olub Mübarizin,həm Poladın, Düşmənlərin ürəyinə salmısan ölüm qorxusu, Allah sizləri qorusun Azərbaycan ordusu. Hər şey vətən üçün olub ən əziz şüarın sənin, Vətən sənə əmanətdir, keşiyindəsən Vətənin. Qarabağda dastan yazan şəhidlərin,qazilərin, Qarşısında baş əyirik, bax budur sözün doğrusu, Allah sizləri qorusun Azərbaycan ordusu. Artıq birdə Qarabağa düşmən əli yetməyəcək, Xudayarın xoş avazı qulaqlardan getməyəcək, Şəhidlərin qanı heç vaxt yerdə qalıb, itməyəcək, Qarabağı azad etib yaşatdız zəfər duyğusu, Allah sizləri qorusun Azərbaycan ordusu. 4.Zəfər günün mübarək Azərbaycan İllərlə səbr edib dözdü bu xalqım, Bilirdi bu həsrət bir gün bitəcək. Qarabağ düşməndən azad edildi. Azərbaycan, zəfər günün mübarək. Eşidin şəhidlər, əziz qazilər, Tökülən o qanlar olmadı hədər, 44 gündə gəldi bu böyük zəfər, Qarabağ bizimdir, hamı biləcək! Azərbaycan zəfər günün mübarək! Qanla tarix yazdı şanlı ordumuz, Zəfərlə taclandı milli ruhumuz, Özünə qayıtdı Cənnət yurdumuz, Artıq Qarabağım çiçəklənəcək! Azərbaycan zəfər günün mübarək! Dastan yazdı hər zabitin,əsgərin, Dağıtdı düşmənin postun, səngərin, Qarşında diz çökdü mənfur düşmənin, Hər zaman qarşında tir-tir əsəcək! Azərbaycan zəfər günün mübarək! Var xalqımın müzəffər sərkərdəsi, Qılıncdan itidir onun kəlməsi, Bəs eyləyər bircə kəlmə deməsi, Dəmir Yumruq yenidən birləşəcək! Azərbaycan zəfər günün mübarək! Minlərlə şəhidlər, bunca qazilər, Nə də gördüyümüz o faciələr, Nə qədər üstündən keçsə də illər, Heç vaxt yaddaşlardan silinməyəcək! Azərbaycan zəfər günün mübarək! Zəngilan bizimdir, Laçın bizimdir! Kəlbəcər, Fizuli, Ağdam bizimdir! Xankəndi, Xocalı, Şuşa bizimdir! Düşmən birdə yuxusunda görəcək! Azərbaycan zəfər günün mübarək! Elxanoğlu deyir, gəlin səbr edək, 30 il dözmüşük, 5 il də dözək, Yenə də düşmənlər ağıllanmasa, Ordumuzu İrəvanda görəcək! Azərbaycan zəfər günün mübarək! 5.Əziz Şuşa sən azadsan Müəllif: Elvin Elxanoğlu Şuşa, sən azadsan, Torpağında yağı gəzmir. Dağlarının zirvəsində, O qara buludlar əsmir. Səni azad etmək üçün, Bilki dastan yazılıbdır, Əl uzadan düşmənlərin, Məzarları qazılıbdır. Bundan sonra Xarı Bülbül, Qorxa-qorxa açmayacaq, Qədim Şuşa qalasına, Düşmən ayaq basmayacaq. Gövhər Ağa məscidindən, Ucalacaq əzan səsi. Daşaltısı,Cıdır düzü, Müqəddəsdir hər bölgəsi. Əlbəttə ki gözəl Şuşa, Qarabağın incisidir. Mədəniyyət sahəsində, Dünyanın birincisidir. Mədəniyyət paytaxtıdır, Beşiyidir musiqinin. Vətənidir Natəvanın, Bülbül, Nəvvab, Üzeyirin. Gözəl Şuşa, sən azadsan, Sağalacaq yaraların , Artıq sənə qovuşacaq, Doğmaların, yaxınların. Yenə yarışlar olacaq, Tarixi Cıdır düzündə. Yenidən qurulacaqdır, Məktəbin də, muzeyin də. İsa bulağı gözündən, Daha qan,yaş tökməyəcək. Birdə Şuşa əhalisi, Yurdlarından köçməyəcək. Üzeyirin, Natəvanın, Bülbülün ruhu şad oldu. İgidlərin sayəsində, Şuşa yenə azad oldu. Allah rəhmət etsin bütün, Canlarından keçənlərə, Şəhadətə ucalaraq, Cənnətinə köçənlərə. 6.Şəhidlər ölməz Müəllif: Elvin Elxanoğlu Kim deyir səhidlər ölür, yalandı, Şəhidlər torpağa yeni can verir. İllərdir yaralı idi Qarabağ, Şəhidlər,qazilər ona qan verir. Tarix unutmayır qəhrəmanları, Bugün Qarabağda dastan yazıldı. Vətən torpağına göz dikənlərin, Alnına əbədi damğa basıldı. Vətənə canını qurban dəyərək, Ölümsüzlük yolun seçdi şəhidlər. Torpağı düşməndən azad edərək, Ömürlük tarixə keçdi şəhidlər. Etiketlər: Zəfər şeirləri Qələbə şeirləri