Chapli kabab recipe |Chapli kabab banane ka tariqa | kachche keema ke kabab |Peshawari chapli kabab.

Aaj main ne ghar par bohat hi zabardast Chapli Kabab banaye hain. Sab se pehle main ne beef ka qeema liya aur usay achi tarah bareek karwaya. Phir pyaz, tamatar aur hari mirchain lein. Tamatar ka guda aur beej nikal diye kyun ke is se batter patla ho jata hai. Tamatar ko bareek kaat liya. Pyaz ko chop ya kaddu-kash kar ke us ka pani nikal liya. Ab aik bowl mein qeema, pyaz, tamatar aur hari mirchain shamil kar dein. Main ne qeema karwate waqt hi lehsan, adrak aur hari mirchain dalwa di thi is liye dobara shamil nahi ki. Phir 2 se 3 chamach besan, dardara dhania, dardari lal mirch, zeera, garam masala, namak aur 1 anda daal kar sab cheezon ko achi tarah mix kar liya. Aakhir mein hara dhania aur podina shamil kar ke is mixture ko achi tarah goondh liya. Is batter ko kam az kam 2 ghante aur behtar nataij ke liye 4 se 5 ghante rest dein. Phir hathon ko wash kar ke halka sa oil lagayein aur Chapli Kabab ki shape dein. Main ne kabab thore bare aur patle rakhe hain. Upar tamatar ka tukra laga diya. Medium flame par dono sides se golden brown hone tak fry kar lein. Hamare bohat hi mazedar aur juicy Chapli Kabab tayar hain. Video pasand aaye to Like, Share aur Channel ko Subscribe karna mat bhooliye ga. #ChapliKabab #ChapliKababRecipe #BeefChapliKabab #PakistaniFood #HomemadeFood #EasyRecipe #FoodRecipe #CookingVideo #DesiFood #KababRecipe