Top News - Ndalon cigaret elektronike / Belgjika ‘merr stafetën’ në Bashkimin Evropian

Shumë të njohura nga të rinjtë për gamën e tyre të gjerë të shijeve, duke përfshirë mollën, shalqirin dhe kola-kolën, duket se ka mbaruar koha për cigaret elektronike në Belgjikë, vendi i parë i BE-së që i ndalon ato. Nga 1 janari, në Belgjikë do të ndalohet shitja e cigareve elektronike njëpërdorimshe, një përpjekje kjo për të mbrojtur shëndetin e të rinjve, si pjesë e një plani kombëtar kundër duhanit. Bashkimi Evropian synon të arrijë një gjeneratë pa duhan deri në vitin 2040, duke reduktuar popullsinë e duhanpirësve të bllokut 27-vendësh, nga rreth 25 përqind që është tani në më pak se pesë përqind. Cigaret elektronike njëpërdorimëshe shpesh promovohen si më pak të dëmshme sesa duhani tradicional. Ato tërheqin përdorues më të rinj me paketimin e tyre shumëngjyrësh, shijet e këndshme dhe avantazhin e shmangies së erës së keqe të tymit në gishta. Por meqenëse edhe ato mbajnë nikotinë, që krijon shumë varësi, kritikët druajnë se cigaret elektronike mund të jenë një urë e mundshme drejt produkteve më tradicionale të duhanit. Belgjika krenohet se ka reaguar shpejt ndaj rreziqeve që paraqesin cigaret elektronike njëpërdorimshe, të cilat dolën në treg më shumë se pesë vjet më parë. Në vitin 2021, qeveria federale i paraqiti një propozim Komisionit Evropian, krahut ekzekutiv të BE-së, për t’i ndaluar ato. Komisioni, i cili duhet të japë miratimin e tij për çdo ndalim shitjesh, i dha dritën jeshile Belgjikës në mars 2024, duke i hapur rrugën hyrjes në fuqi të një ligji kombëtar. Edhe Franca ka ndërmarrë hapa të ngjashme me Belgjikën. Pasi të miratohet, ligji francez do të ndalojë prodhimin, shitjen dhe ofertën falas të cigareve elektronike, me një gjobë prej 100,000 eurosh për çdo shkelje. Pamje:AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Cigaret#Elektronike