Kryeministri Rama inspektim në stadiumin e koncertit të Kanye West: Vijnë mijëra spektatorë

Kryeministri Edi Rama kreu inspektim sot nw 7 korrik në stadiumin e koncertit të madh të Kanye West që po bëhet gati për të mikpritur të shtunën, në 11 korrik, spektatorë nga 80 shtete. Ministri i Kulturës Blendi Gonxhja tha se nuk po punohet vetëm për një event, por punohet edhe për infrastrukturë më të mirë për zonën. Gonxhja deklaroi se Shqipëria hynë në një nivel krejt tjetër. “Ky stadium sjell dhe një zhvillim për zonën, pasi kemi ndërhyrë edhe në infrastrukturë. Shqipëria po ashtu ka hyrë në një tjetër fazë, duke organizuar evente të tilla të mëdha, që mbahen në vende të ndryshme të botës”, u shpreh Gonxhja. Kryeministri Rama nënvizoi se eventi sjell përfitime për Shqipërinë. “Ky është një event i organizuar tërësisht nga grupi privat, partner shqiptar, gjerman, turq, që kanë ndërmarrë përsipër gjithë këtë ndërmarrje kolosale. Shteti shqiptar është detyruar që të ndërhyjë vetëm dje për të dhënë jo dhjetëra e miliona euro siç thonë sorrat e korbat e bulevardit, por 4 milionë, që ne të garantojmë ata mijëra njerëz që kanë prerë bileta nga 80 shtete dhe janë më shumë se ata që blenë biletat te finalja e Conference League. Nëse eventi nuk do të realizohej, do të ishte një mundësi më pak për ekonominë e kryeqytetit. Kjo, sepse ata mijëra njerëz sjellin një impakt ekonomik të menjëhershëm dhe hap pas hapi. Finalja e Conference League na solli gjithë atë boom turistësh nga Holanda e Italia. Janë investime për një Shqipëri tjetër”, tha Rama. “Eagle Stadium”, i vendosur pranë autostradës Tiranë-Durrës, pritet të mirëpresë rreth 60 mijë spektatorë, duke u konsideruar si eventi më i madh muzikor i organizuar ndonjëherë në Shqipëri. Çmimet e biletave nisin nga 120 euro, ndërsa paketat VIP shkojnë deri në 339 euro. Ndalimi në Tiranë është pjesë e turit botëror të reperit për vitin 2026, një turne që në disa vende ka qenë objekt polemikash. Koncerti në Tiranë organizohet nga kompania “Streetlife”, me seli në Berlin, e njohur për organizimin e performancave të artistëve të njohur ndërkombëtarë si 50 Cent, Drake, Snoop Dogg, Kendrick Lamar dhe Nicki Minaj. Në Shqipëri, eventi mbështetet nga Redcloud dhe Live Label. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #tvklan #EdiRama #KanyeWest #Koncerti #Shqiperi #Spektatore #Organizimi #Stadiumi