ԱՍՏՎԱԾ ՄԵԶ ՉԻ ԼՔՈՒՄ, ՀԱՄԲԵՐԱՏԱՐ ՍՊԱՍՈՒՄ Է ԻՐ ԺՈՂՈՎՐԴԻ ԴԱՐՁԻՆ․ Բագրատ Սրբազան

«Մեր կյանքում 2 երևույթ, իրականություն կա, որ փոփոխության ենթակա չէ․ առաջինը՝ մեր Տեր Աստվածն է և իր խոսքը, երկրորդը՝ մեր մահը։ ․․․ Ի՞նչ է մեր այսօրվա կյանքի հարաբերությունների բովանդակությունը, էությունը՝ ՀԱՅՀՈՅԱԽՈՍՈՒԹՅՈՒՆ։ Ոչ թե անհամաձայնություն, ոչ թե քննադատություն, ոչ թե գաղափարների տարբերություն, ընկալումների զանազանություն, այլ՝ հայհոյախոսություն։ Մենք այսօր նույնիսկ դրան վարժվում ենք։ Վարժվում ենք այն թշնամությանը, ատելությանը, որ գոյություն ունի որևէ մեկի նկատմամբ՝ ընտանիքից սկսած մինչև լայն դաշտերը։ ․․․ Ոչ ոք ոչ ոքի բացարձակ չի վստահում։ Չկա մեկը, որ մյուսին վստահի, որ մյուսին արժեք տա։ Դա արդյո՞ք մեր նկարագիրն է, թե՞ ձեռքբերովի է, թե՞ մեր մեջ մտցված թույնի այն մեծ պաշարն է, որ քայքայում է բոլոր տեսակի հանրություններն ու հասարակությունները։ Եթե գոյություն չունի հորիզոնական շերտի վրա՝ մարդ-մարդ, վստահություն, նաև ուղղահայաց՝ մարդ-Աստված վստահությունը չի լինի, որովհետև մարդկանց միջոցով է արտահայտված նաև դեպի Աստված պատկերացումը։ ․․․ Այսօր պետք է զանազանվի ՀԱՋՈՂԱԿԸ և ՀԵՐՈՍԸ։ Այսօր դրանք խառնվել են իրար։ Ովքե՞ր են հերոսները, ովքեր են մեր պատկերացմամբ «հաջողակները»։ Մենք նույնիսկ գողերին ու ավազակներին ենք հաջողակ համարում, ամենամեծ հարգանքներն էլ ենք ընծայում, որովհետև ՓՈՂ ՈՒՆԻ՝ անկախ նրանից, թե ինչ ճանապարհով։ Այո՛, հարստությունը վատ բան չէ, մեր Տերը օրհնում է հարստությունը, այն ձեռք բերելու և կիրառելու ճանապարհն է արգահատելին և/կամ գովելին։» - Բագրատ եպիսկոպոս Գալստանյան (Տավուշեցի) Իջևանի Սուրբ Ամենափրկիչ եկեղեցի 12․02․2023 #Տավուշ #ՏաՀույս #ԲագրատՍրբազան