Anadangəlmə yumurtalıq olmaya bilərmi?

Facebook:   / uzm.dr.resad.  . İnstaqram: Ginekoloq.uzman.dr.resadsultan Tel: +994 51 717 55 15 Yumurtalıq anadangəlmə olmaya bilərmi? Bəlkə də bu sual ona görə verilib ki, izləyicimizin aybaşı görməyən yaxınları, qohumları var. Ultrasəs müayinəsində kiçik görülən, tapıla bilməyən yumrtalıqlar ola bilər. Öncə bir məqamı qeyd edim ki, aybaşının vaxtlı-vaxtında görülməyi, ümmiyyətlə aybaşı görülməyi qadının həm hormonal sisteminin, həm bu hormonları ifraz edən orqanların düz işlədiyini göstərir. Nəinki hormonların düz işlədiyini, eyni zamanda aybaşının baş verdiyi orqanların quruluşunun, anatomiyasının yerli yerində olduğunu heç bir müayinəsiz bizə deməyə imkan verir. Ona görə də aybaşı görmədiyi zaman bizdə şübhə yaranır. Bu orqanların quruluşunda, vəzifəsində, işində bir qüsur varmı? Bir çox genetik və hormonal pozğunluqlar var ki, görünüşcə qadın olan bir orqanizimdə yumurtalıqlar ya yoxdur, ya da işləmirlər. Bunun səbəbi xromosom anamaliyaları, genetik xəstəliklər ola bilər.