INANG KUMAPIT SA PANALANGIN, IBINAHAGI ANG PAGGALING NG ANAK NA MAY KIDNEY STONES | TV48 STATION

INANG KUMAPIT SA PANALANGIN, IBINAHAGI ANG PAGGALING NG ANAK NA MAY KIDNEY STONES Sa programang Count Your Blessing nina Former Governor at Congresswoman Czarina “Cherry” D. Umali at Dra Kit de Guzman ay ibinahagi ni Rhealyn Veajedor ang kanyang makabagbag-damdaming patotoo matapos umanong makaranas ng himala ang kanyang anim na taong gulang na anak na si Queen, na na-diagnose noon na may kidney stones sa magkabilang kidney. Ayon kay Rhea, dumaan sila sa matinding pagsubok nang sabihin ng mga doktor na maaaring kailanganin ng bata ang dialysis kung hindi bubuti ang kanyang kondisyon. Sa kabila ng takot at pag-aalala, hindi umano siya tumigil sa pananalangin at pagtitiwala sa Diyos habang patuloy nilang dinadala sa pagpapagamot ang kanyang anak. Ngunit sa kanilang follow-up checkup noong January, nagulat umano ang mga doktor na sumuri kay Queen nang bigla ay wala nang makitang kidney stones sa kanyang mga kidney. Para kay Rhea, ang pangyayaring ito ay malinaw na sagot sa kanilang mga panalangin at patunay ng kabutihan ng Diyos sa kanilang pamilya. Hinikayat naman niya ang mga pamilyang dumaraan sa pagsubok na huwag mawalan ng pag-asa at patuloy na manalig kahit sa gitna ng mabibigat na hamon ng buhay. #balitangunangsigaw #tv48station #nuevaecija #news Nueva Ecija, TV48 Station, News, Balitang Unang Sigaw,