అన్ని విషయములలో ఘనమైన బంధము|The True Christian|@aedanna|Christian Marriage Songs|Q2JP|Meshek Songs

క్రీస్తునందు నా ప్రియ సహోదర, సహోదరీమనులారా తండ్రియైన దేవుని నుండియు, ప్రభువైన యేసుక్రీస్తు నుండియూ కృపా సమాధానములు మీకు కలుగును గాక. మన జీవితములో అత్యంత ముఖ్యమైనవి 1. దేవుడు, 2. వివాహము ఈ "వివాహము" మానవులు కనిపెట్టింది కాదు, మనుష్యులను తన స్వరూపములో చేసుకొని తన ప్రణాలికను మనుష్యుల ద్వారా జరిగించుకోవాలని మనలను ప్రేమించి, ఆశీర్వదించి ఆజ్ఞగా మనకు ఇచ్చిన సృష్టికర్తయైన దేవుడు నిర్ణయించినది . వివాహము అన్ని విషములలో ఘనమైనదిగాను, పానుపు నిష్కల్మషమైనదిగాను ఉండాలని ఆజ్ఞగా ఇచ్చాడు. నరుడు ఒంటరిగా ఉండటం మంచిది కాదు అని స్త్రీని పురుషునికి జతపరిచాడు. కనుక పురుషుడు తన తల్లిని, తండ్రిని విడిచి భార్యను హత్తుకుంటాడు, వారికమీదట ఏకశరీరమైవుందురు. స్త్రీపురుషుల మధ్య ఏర్పడేదాన్నే పరిశుద్ధమైన వివాహము అంటారు, కాని ఇతరమైన అన్ని వివాహాలను భ్రష్ఠత్వమే అంటారు. కనుక నా సహోదరులారా దేవుడు పరిశుద్ధపరిచినదాన్ని, ఘనమైనదిగా ఎంచినదాన్ని అపవిత్రమైనదిగాను, ఘనహీనమైనదిగాను చేయకుడని మిమ్మల్ని ప్రభువు పేరట బ్రతిమాలుకొనుచున్నాను. వివాహం యొక్క స్థాపన (The Foundation of Marriage) ఆదికాండము 2:24 (Genesis 2:24): "కాబట్టి పురుషుడు తన తండ్రిని తన తల్లిని విడచి తన భార్యను హత్తుకొనును; వారు ఏక శరీరమైయుందురు". హెబ్రీయులకు 13:4 (Hebrews 13:4): "వివాహము అన్ని విషయములలో ఘనమైనదిగాను, పానుపు నిష్కల్మషమైనదిగాను ఉండవలెను". ప్రేమ మరియు బాధ్యతలు (Love and Responsibilities) ఎఫెసీయులకు 5:25 (Ephesians 5:25): "పురుషులారా, మీరును మీ భార్యలను ప్రేమించుడి. అటువలె క్రీస్తు కూడ సంఘమును ప్రేమించి, దానికొరకు తన్ను తాను అప్పగించుకొనెను". ఎఫెసీయులకు 5:22 (Ephesians 5:22): "భార్యలారా, ప్రభువుకు లోబడినట్లు మీ సొంత భర్తలకు లోబడియుండుడి". 1 కొరింథీయులకు 13:4-7 (1 Corinthians 13:4-7): ప్రేమ ఓర్పు కలిగి ఉంటుంది, ప్రేమ దయ చూపిస్తుంది. వివాహ జీవితంలో ప్రేమ యొక్క గొప్పతనాన్ని ఈ వచనాలు వివరిస్తాయి. అన్యోన్యత మరియు ఐక్యత (Intimacy and Unity) 1 కొరింథీయులకు 7:5 (1 Corinthians 7:5): "ప్రార్థనచేయుటకు మీకు సావకాశము కలుగునట్లు కొంతకాలమువరకు ఉభయుల సమ్మతి చొప్పుననే తప్ప, ఒకరినొకరు ఎడబాయకుడి". మత్తయి 19:6 (Matthew 19:6): "కాబట్టి దేవుడు జతపరచిన వానిని మనుష్యుడు వేరుపరచకూడదు". క్షమాపణ మరియు శాంతి (Forgiveness and Peace) ఎఫెసీయులకు 4:32 (Ephesians 4:32): "ఒకని యెడల ఒకడు దయగలిగి కరుణాహృదయులై క్రీస్తునందు దేవుడు మిమ్మును క్షమించిన ప్రకారము మీరును ఒకరినొకరు క్షమించుడి". కొలొస్సయులకు 3:14 (Colossians 3:14): "వీటన్నిటి పైన సంపూర్ణతకు అనుబంధమైన ప్రేమను ధరించుకొనుడి."