Top Channel/ 10 mijë euro për një vizë, falsifikonin formularët. 6 persona nën akuzë për mashtrim

Një rast mashtrimi dhe falsifikimi të folmularëve për të aplikuar për viza amerikane është zbuluar nga policia e shtetit që vuri pas hekurave 5 persona dhe u shpall në kërkim një tjetër. Ky aktivitet i paligjshëm u zbulua nga specialistët e krimit ndërkombëtar në Ambasadën e Shteteve të Bashkuara të Amerikës në Tiranë të cilët sinjalizuan policinë në lidhje me aktivitetin e një faqeje Instagrami ku premtoheshin viza 10 vjeçare amerikane, kundrejt pagesës prej 10 mijë eurosh. Hetimet zbuluan se pas këtij profili fshihej Renato Nasto, icili tashmë u arrestua. Në këtë faqe Instagrami që ka 11 mijë e 500 ndjekës Renato Nasto gjente të interesuar për vizë mes të cilëve edhe 4 të arrestuarit Klea Prifti, Klaudio Leçini, Klaus Kapedani dhe Xhemal Seseri si dhe i shpalluri në kërkim Eduard Gjini. Renato Nasto i instruktonte klientët e tij se si të plotësonin formularin online të aplikimit për vizë me të dhëna të rreme në mënyrë që ata të shpalleshin fitues në një nga kategoritë e vizave për të cilat aplikonin. Më pas ai i shoqëronte edhe në ambasadë ku intervistoheshin dhe pasi shpalleshin fitues u merrte shumën e parave. Lidhur me këtë veprimtari kriminale ka reaguar edhe ambasada e SHBA në Tiranë që u bëri thirrje qytetarëve që aplikimet për viza ti dorëzojnë vetë dhe jo përmes “të ashtuquajturave” agjenci udhëtimi, konsulentëve të vizave ose kompanive të tjera që ofrojnë shërbime për viza. Aplikantët për viza duhet gjithashtu të tregojnë kujdes në lidhje me mashtrimet në platformat e mediave sociale që pretendojnë se garantojnë viza amerikane. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Vizat#Arrestim#TopChannelNews