मूर्ती आपल्याशी कशी बोलते ? Dr Rahul Deshpande | #marathipodcasts #marathi

मूर्तींमध्ये शब्द कोरणारा .. काव्यकार! -डॉ.राहुल देशपांडे.(कवी, गीतकार, भारतीय प्राचीन विद्या विशारद, Paediatric Dental Surgeon) मागील आठवड्यात कल्याण सरांशी बोलणं झालं. डॉ.राहुल देशपांडे यांच्या इंडॉलॉजिच्या ज्ञानाविषयी कल्याण सर भरभरून बोलले. भुलेश्वरला नुकतेच दोघेही सोबत जाऊन आले होते. व्यवसायाने Paediatric dental surgeon असणारे सर उत्तम कवी आणि गीतकार देखील आहेत अशी माहिती कल्याण सरांनी दिली. आणि मग डॉ.राहुल देशपांडे यांच्याशी माझं फोनवर बोलून झाल्यावर मुलाखत घ्यायची हे निश्चित झालं. ठरल्याप्रमाणे काल सरांची मुलाखत घेण्याची संधी आम्हाला मिळाली. कवी, Paediatric Dental Surgeon ते Indologist (भारतीय प्राचीन विशारद विशारद) हा प्रवास थक्क करणारा आहे. भावनांना मूर्तरूपी आकार देणारा काव्यकार! Dentistry मध्ये ७२ शोध निबंध (BDS, MDS), Indology मध्ये २१ शोध निबंध (MA Indology). यांच्या कुटुंबात आजोबा डॉक्टर, वडील देखील डॉक्टर. सरांच्या वडिलांची विशेष ओळख म्हणजे ते आशिया खंडातील Dentistry मध्ये Phd केलेले पहिले डॉक्टर. सरांच्या आई देखील Phd आहेत. शोध निबंध सादर करण हे अत्यंत महत्वपूर्ण मानून सातत्याने त्यावर सर्व कुटुंबीय कार्य करत असतात. आम्ही दोघेही वैद्यकीय व्यवसायिक असल्याने त्या अंगाने काही गप्पा झाल्या. दंतायुर्वेद, दिनचर्येतील प्रमुख दंतधावन विधी .. टूथपेस्टचा शोध व भारतीय आयुर्वेदातील दंतमंजन. लहान मुलांच्या दातांचे भविष्य. दातांची उत्क्रांती ते सध्याचे दातांचे आरोग्य. यावर अनेक संदर्भ देत राहुल सरांनी विषयातील सखोलता सांगितली. भारतरत्न लता मंगेशकर यांना आई मानून त्यांच्या हृदयात आपली कविता कोरणारा गीतकार. भारतीय प्राचीन विद्येच्या अभ्यासातून जगभर प्रवास करतात. मूर्ती आपल्याशी कशी बोलते ? हे अतिशय छान समजवतात. आपल्या काव्यात्मक भावनांना मूर्तींच्या माध्यमातून जिवंत करत असतात. वेरूळ, खिद्रापूर, कोणार्क, खाजुराओ, कंबोडिया अशा ठिकाणांना हेरिटेज टुर आखून भारतीय हिंदू संस्कृती, मंदिरे, मूर्ती यांची सखोल माहिती देतात.