Top News - Zhvarroset një kufomë në Librazhd/Dyshohet se i përket këngëtarit të zhdukur në 2014

Prokuroria e Elbasanit ka rihapur hetimet për zhdukjen e mistershme të këngëtarit të tallavasë, Renato Hamza I njohur si “Reni I Elbasanit”. Ky shtetas u zhduk në vitin 2014. Të mërkurën, një grup hetuesish kanë zhvarrosur një kufomë që është gjetur para disa kohësh në Librazhd, e cila dyshohet se I përket këngëtarit në fjalë. Me zhvarrosjen e kryer tashmë zyrtarisht rihapen hetimet për ngjarjen në fjalë, teksa tetë vite nga zhdukja, askush nuk di për fatin e të riut edhe pse dyshimet janë se ai mund të jetë eliminuar nga eksponentë të grupeve kriminale. Pista kryesore e rrëmbimit dhe zhdukjes së Renato Hamzës lidhet me dyshimin se ai ka qenë dëshmitar në ekzekutimin e një personi kryer nga një grup kriminal në Shqipëri. Trupi I gjetur disa vite më parë në Librazhd ishte I dekompozuar, prandaj dhe ishte e vështirë identifikimi. Duke u nisur nga indiciet e reja, hetuesit pritet të marrin kampionet e ADN-së nga mbetjet kockore për të vërtetuar nëse eshtrat janë të këngëtarit Renato Hamza. Familja e këngëtarit prej 29 Qershorit 2014, nuk di asgjë për fatin e 21-vjeçarit në atë kohë nga Elbasani. Nga momenti kur një telefonatë misterioze e nxori nga shtëpia ku jeton me prindërit dhe bashkëshorten 9-muajshe shtatzënë, Renato Hamza nuk ka pasur më asnjë kontakt me familjen. Nga pamjet e fundit para zhdukje së këngëtarit ai shihet të takohet me shtetasit Indrit Shaqja dhe Deniz Xhija. Ky i fundit i arrestuar në Kolumbi në muajin shtator për trafik droge. Ndërsa Indrit Shaqja është i dënuar me burgim të përjetshëm për vrasjen e dy kunatave Elsa dhe Gjinovefa Vava, përkatësisht 75 dhe 70 vjeç, ngjarje e cila ka ndodhur pas zhdukjes së Renit të Elbasanit. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Zhvarrosja#Librazhd