Këngëtarja e muzikës popullore Fitnete Rexha shtrohet në spital (23 Maj 2003)

Lajme Arkiva 2003 Fitnete Rexha një nga zërat më të njohur të muzikës popullore të Shqipërisë së mesme tashmë ndihet e harruar. Prej një muaji ajo ka ndërprerë marrëdhëniet me këngën dhe ndodhet e shtruar në spital. Zëri tipik që këndoi kryesisht muzikë popullore qytetare tiranase vuan pasojat e një operacioni në veshka. Pas reancimacionit dhe pas qëndrimit disa javor në shtëpi ajo shtrohet sërish në spital, por tashmë me shqetësime zemre. Mjekët kardiolog shprehen se vuan nga aritmia, por Fitnetes përveçse i mungon publiku thotë se nuk është vlerësuar aq. Fitnete Rexha: Pakënaqësia mbetet harresa. Harresa qenka më e madhe se dhimbja e plagës. Më kanë borxh shumë. Gazetarja: Cilët të kanë borxh? Fitnete Rexha: Ata që kanë diçka në dorë. Gazetarja: Kur keni qenë për herë të fundit në skenë? Fitnete Rexha: Në skenë për herë të fundit kam qenë te Klani, direkt në skenë. Të gjitha këngët e maratonës, të gjithë ato këngë që janë kënduar atje është repertori im i Shqipërisë së mesme. Por të afërmit e saj ndihen se Fitnetja do të ndihej më mirë moralisht nëse do të ishe vizituar nga pushtetar që e njohin karrierën e saj. “Sidomos Ministrja e Kulturës se është edhe grua vetë. Ajo duhet ët ishte e para që të vinte ta shikonte Fitnete Rexhën, të interesohej për të. mjafton që të pyeste për Fitneten se në ç’gjendje ishte”. Ajo ka një karrierë 50 vjeçare dhe ruan titullin “Artiste e merituar”, të cilin e ka marrë në vitin 1961. Rreth moshës 15 vjeçare këndon dhe regjistron këngët e para popullore në Radio Tirana nën shoqërinë e grupit orkestral të Shqipërisë së mesme. Fillimisht ka nisur punë në Estradën e Tiranës dhe më pas aktiviteti i saj si këngëtare është zhvilluar tërësisht pranë Asamblit të Këngës dhe Valleve Popullore në Tiranë deri në daljen në pension në vitin 1981. Tani në moshën 70 vjeçare ajo numëron të ketë regjistruar rreth 200 këngë popullore të Shqipërisë së mesme./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/