Agaxan Abdullayev (Sabir ve Hacibaba qezeli)

(Facebook Rəsmi hesab)   / sabit.qasimov.9   (İnstagram Rəsmi hesab)/   / sabit5555   Xosrovi-hüsnün əzîzim, sən imişsən tâcı, Xûblər cümlə sənin dərgahının möhtâcı. Qâbi qövseyi-qaşın, leylətül-əsra zülfün, Tapmısan mərtəbeyi-hüsndə sən merâcı. Tökülüb zülfü-siyəh ârizi-âlın üzrə, Kə'bəyə çöl ərəbi mâne olur hüccâcı. Zâiri-kûyinəm ey məh, qoy öpüm xâlından, Həcəri öpməyənə, xalq deməzlər hâcı. Kəc nigâh ilə dələr bağrımızı müjgânın, Bu ox atmâğı kim öyrətdi sənə qıyqâcı? Gecə-gündüz səri-kûyində sızıldar Sâbir, Neyləsin, qovma qapından, kəsilib illâcı. 🥀🥀🥀🥀🥀🥀🥀🥀🥀🥀🥀🥀🥀🥀 Cəmâlın istədim görüm, dedin ki olmaz, olmasın, Nolardı səndə, dilbəra, bu olmaz-olmaz olmasın. Fərâğın əldən aldı bəs, nedim ki ixtiyârımı, Xəyâlın eyləyincə, bil, itirmişəm vüqârımı, Görəydim o gül hüsnünü, verəydim hərnə vârımı, Dedim: dedin olarmı heç, gözəldə nâz olmasın ? Nolardı səndə, dilbəra, bu olmaz-olmaz olmasın. Çəməndə bərgi güldəki tərindir inci jâlələr, Odur ki könlümün quşu edər çox âhu-nâlələr, Tərəhhüm eylə, qaşların sinəmdə açdı lâlələr, Dedim: dedin ki, âşiqim gərək sərəfraz olmasın, Nolardı səndə, dilbəra, bu olmaz-olmaz olmasın. Bahâri fəslisən özün, çəmən çiçək bəhânədir, Bütün sevənlərin sözü, ümîdi gül dəhânədir, Üzündü lâlə-gül mənə, cahanda gül dahâ nədir, Dedim: dedin sevən gərək bu qədri sözbaz olmasın, Nolardı səndə, dilbəra, bu olmaz-olmaz olmasın. Yanıqlı könlümün, gözəl, ləbindən ehtiyâcı var, Bu dərdi nâəlac üçün, bilibdi ki, əlâcı var, Sızıldayanlar içrə bir, nəvâyə gəlmiş Hâcı var, Dedim: dedin ki, Hâcıya deyin, bədâvaz olmasın, Nolardı səndə, dilbəra, bu olmaz-olmaz olmasın.