Opinion - Rikthimi i Behgjet Pacollit! (26 tetor 2016)

Facebook:   / tvklan   Emision LIVE nga Blendi Fevziu ne KLANHD & TVKLAN; I ftuar: Behgjet Pacolli Intervista e zgjeruar: http://tvklan.al/opinion-rikthimi-i-b... Ish-presidenti i Kosovës, Behgjet Pacolli është i ftuari i mbrëmjes në një intervistë ekskluzive në emisionin ‘Opinion’. Pacolli, një biznesmen dhe një politikan i njohur rikthehet gjithnjë me interes dhe vëmendje tek zhvillimet që lidhin Kosovën dhe Shqipërinë. I pyetur nga gazetari Blendi Fevziu se njerëzit e pasur ecin si elefantët, pra shkelin rreth e rrotull gjërat e vogla që nuk kanë rëndësi, që do të thotë; njerëzit që nuk kanë të ardhura, njerëzit në nevojë etj. Ai theksoi se kjo nuk është e vërtetë. Jo të gjithë e bëjnë atë, unë jam kujdesur dhe kam një parim që gjithmonë ta respektojë më të dobtin. Ky parim vjen nga një porosi e gjyshit tim, Osmanit, "ec përpara dhe përgjatë udhëtimit tënd, nëse mundesh, merr shumëçka me vete. Por nëse je i pamundur, nuk ke mundësi që të marrësh me vete ata njerëz që të rrugëtojnë me ty, të paktën asnjëherë mos i shty që ata të rrëzohen dhe vetë ti të ecësh përpara." Pacolli bëri me dije se pikërisht këtë parim e kam respektuar dhe për këtë arsye, ai tha se nuk kam shkelur rreth e rrotull si një elefant dhe sipas tij këto raste nuk i njihte në jetë. Fevziu: Është befasuese raporti që keni me gjyshin, me Osmanin? Kam lexuar librin tuaj me kujtime ju keni gati një adhurim. A ka ardhur nga fëmijëria ky raport, apo me të vërtetë gjyshi ishte diçka e dashur për ty? Më vjen mirë që po ma përkujton këtë kujtim, është shumë e vërtetë që unë jam munduar të paraqes rolin e gjyshit tim në jetën personale time, është shumë e vërtetë se ai ka lënë shumë mbresa në jetën time, janë shumë këshilla që unë pjesërisht, ose në shumicë të madhe janë munduar me i respektuar. Behgjet Pacolli i është rikthyer kujtimeve të rinisë së hershme në Opinion duke rrëfyer vështirësitë që e kanë shoqëruar në fillimet e veta, përpara se të shndërrohej në një nga njerëzit më të rëndësishëm të Kosovës. Pacolli ka kujtuar momentin nga mbrëmja e tij e maturës kur nuk kishte veshjen e duhur si të gjithë bashkëmoshatarët e tij. “Unë nuk kisha as veshjen adekuate atë natë. Gëzimi më i madh për mua ka qënë atë natë kur kam dalë pa zhurmë”.-tha Pacolli. Kur u bë i pasur, Pacooli thotë se nuk e ndjeu asnjëherë përçmimin për ata njerëz që në rini e përbuznin prej varfërisë. “Më vjen keq vetëm se atyre u ka ngelur ora. Nuk kanë ecur me ritmin e kohës. Nuk janë ata fajtorë. Është një shoqëri e tërë”-tha Pacolli. Ndërkaq, ai ka treguar edhe rrugëtimin e tij përgjatë jetës. Pacolli ka theksuar një aspekt nga jeta e tij, kur pa para, i uritur, i thotë një siriani që shiste pizza, a mund të më jepni një pizzë pasi ju garantoj se atë do t’ua paguaj atë. Miliarderi Pacolli tregoi se ai nuk pranoi dhe u largua. “Unë kam ecur dhe për këtë u turpërova shumë. Pastaj u largova shumë i turpëruar, më dukej se e gjithë bota po më binte mbi kokë. Një moment mu dha të kthej kokën pas. Shikoj të njëjtin person që po ma bënte me dorë, kthehu”. Në vazhdën e kësaj historie, Pacolli tregon se "vendosa të kthehem. Siriani më tha më u pendova dhe po të ftoj që të ulesh dhe të ushqehesh me një pizzë. Në fakt ai nuk më dha një pizzë, por dy të tilla”. Ndërkaq, ndër të tjera, Behgjet Pacolli është ndalur edhe tek një pjesë e jetës së tij, e cila është: Politika. Pacolli tha se një pjesë e politikanëve kosovarë e kanë gënjyer dhe mbi të gjitha nuk kanë punuar për qytetarin. “Kanë punuar vetëm për vetveten. Kanë futur dorën aty ku nuk duhet me e fut dorën. Kanë bërë shantazhe. Si dhe tani po shikohet situata se si është. Unë do doja që Kosova të kishte njerëz të sinqertë në politikë”. Behgjet Pacolli është pyetur edhe në lidhje me identitetin e tij. Pacolli tha se ai është shqiptar i Kosovës. Jam shqiptar nga Kosova. Fevziu: Në fakt ka pasur një debat të madh këto ditët e fundit për Shqipërinë dhe Kosovën. Identitet kosovar dhe identitet shqiptar. Nga vjen ky debat, nga i ka rrënjët? Sigurisht çdokush kërkon të jetë pjesëtar në sofrën e parë kur flitet, unë kam pasur disa njerëz që janë deklaruar për relacionet Shqipëri-Kosovë, dhe e kam parë se është shumë e shumë e padrejtë kur relacionet tona janë shumë shpirtërore, kur nuk ka asnjë tabu në relacionet tona, ne jetojmë si shqiptarë dhe e duam njëri-tjetrin. Ne e duam njëri-tjetrin dhe nuk ka vend për ndonjë dyshim për marrëdhëniet mes këtyre dy shteteve. Përgjatë kësaj interviste shumë interesante, ndër të tjera, ai është ndalur edhe tek investimet e tij në Shqipëri. Në kufi me parkun e Divjakës është projektuar të ngrihet një resort turistik. Bëhet fjalë për një resort të përmasave të mëdha. Sipas projektit, resorti gjigand do të ndërtohet ne kufi me Parkun Divjakë-Karavasta. Në faqen zyrtare të kompanisë thuhet se resorti do të prekë 1050 hektarë në pyll si dhe 200 hektarë në det.