नेत्राची वासना, तुझं पहावे नारायणा.... श्री मिसाळ

नेत्राची वासना । तुज पाहावें नारायणा ॥१॥ करीं याचें समाधान । काय पहातोसी अनुमान ॥ध्रु.॥ भेटावें पंढरिराया । हेंचि इच्छिताती बाह्या ॥२॥ जावें पंढरीसीं । हेंचि ध्यान या मानसी ॥३॥ चित्त म्हणे पायीं । तुझे राहीन निश्चयीं ॥४॥ म्हणे बंधु तुकयाचा । देवा भाव पुरवीं याचा ॥५॥ अर्थ हे नारायणा तुझे रूप माझ्या डोळ्यांनी पाहावे अशी माझी वासना आहे.त्यांचे तू समाधान कर.वाट पाहत काय बसला आहेस?हे पंढरीराया,तुला भेटावे हीच माझ्या बाहूंची इच्छा आहे.पंढरीला जाण्याचा ध्यास माझ्या मानाने घेतला आहे.चित्त हे तुझ्या पायांच्या ठिकाणी निश्चिंत होऊन निरंतर राहवे अशी इच्छा करत आहे.तुकाराम महाराजांचे बंधू म्हणतात,माझी हि इच्छा तू पूर्ण कर.