عريان السيد خلف..... زنجر قفل روحي وحاير بناري

عريان السيد خلف زنجر قفل روحي وحاير بناري ومن گلبي علگلبي انكطعت اخباري وك ذكرتك ياعشر تيام تفاحات عشره بكل حياتي وصارن اسراري شجم ليله عليله ايعز عليه النوم بس حلمك توالي اليل خطاري ياورده بنفسج والگمر نعسان وعيونك كمر للصبح گماري يارفت نبض هنيال من حباك وندگلك نذر للصوت للطاري للهمسه التشع بلروح خمس اسطوح تتناثر شعر ماتوصله اشعاري لعيونك اعيونك حيرتي ابدنياي جلت من حورهن قدرت الباري وگبالي وكعدك عاشك ومعشوك واحجيلك ابحالي اصار وشجاري وكاسرلك حناني بطعم خمره ادير ونسكر الزمن وتلاعب اوتاري واغنيلك غنه بهداي علخيبتنه وسفنه الراحت وي الروج حداري وازعلك لذتك بلعشك من تختاض وتكطر اشفافك عسل كنطاري وارضيك بولك يا بعد هاي وهاي واتعذر سنه وماتقبل اعذاري واحبك من صدك من حب زمان الفات مو حب هلوكت والعشك طياري