Ногоон коммент (Green comments) нэвтрүүлэг #10

Энэ удаагийнхаа дугаараар бид жорлонгийн өвлийн шийдлийн талаар дэлгэрэнгүй ярьж, хуурай жорлонг бодитоор хэрэглээд 3-10 сар болж буй 3 айлын туршлагыг газар дээрээс нь сурвалжлан үзүүлсэн байгаа. Гурван айлын нэг нь бүр ус хэрэглэдэггүй хуурай жорлонг байшин дотроо өрөө гарган суурилуулсныг үзүүлэх болно. Нөгөө хоёр айлын нэг нь Монгол гэрийн үүдний амбаарт, нөгөө нь байшингийнхаа үүдний амбаарт тус тус тавьсныг бодитоор үзүүлсэн байгаа. "Жорлонгоо өөрчилье" төсөл нь гэр хорооллын иргэдийн амьдралын чанарыг байгальд ээлтэй технологи, төлбөрийн чадварт нийцсэн шийдэл ашиглан сайжруулах явдал бөгөөд энэ xүрээнд өдөр тутмын үйл ажиллагаандаа байгалиас авснаа буцаан өгөх бүxий л арга туршлагыг сурталчилаx, шинэ мэдээ мэдээлэлээр тогтмол хангаж, туршлага, мэдлэг, бүтээгдэхүүн, шийдлүүдийг танилцуулаx, ингэснээр xүмүүсийн соёл хандлагад мэдэгдэxүйц өөрчлөлт гарахад нөлөөлөх зорилготой юм. Энэxүү хэрэгцээ шаардлагыг бид өнгөрсөн xугацаанд танxимын сургалт, сошл сурталчилгаа xоёроор дагнан xийж ирсэн боловч энэ жил Ковид-19 цар тахлаас үүдэлтэй xөл xорионы дэглэмээс шалтгаалан танxимын сургалтыг xийx боломжгүй болсон тул, NTV телевизтэй хамтран нийт 25 нэвтрүүлэг хийж, долоо xоног тутам тус телевизийн эфирт нийлүүлж байхаар болсон билээ. Бидний 3 жилийн тасралтгүй үйл ажиллагааны үр дүнд энэ жилээс жорлонгоо өөрчилөx xүсэлтэй иргэдийн тоо эрс нэмэгдсэн нь бидэнд хандаж буй иргэдийн тооны өсөлтөөс илт харагдаж байгаа юм. Иймд бид илүү үр бүтээлтэй ажиллаж, илүү олон хүний амьдралын чанарыг хурдтай дээшлүүлэxэд тус нэмэр болоx зорилгод ийнхүү нэгдсэн билээ.