Edhe njëherë si dikur, oferta e Gjergj Lekës për Mira Konçin pas 35 vitesh

Ata të dy janë bashkëpunëtorë, por edhe miq prej vitesh. Gjergj Leka dhe Mira Konçi u njohën kur ajo ishte ende në hapat e parë në muzikë, por më pas do të kthehej në një ikonë, sidomos me recitalin e vitit 1990. Një recital, që siç shprehet Gjergj Leka në një videomesazh surprizë për Mira Konçin në programin “Rudina” në Tv Klan, u tentua të ndalohej, por ia dolën që të realizohej siç e meritonte. Në nder të këtij momenti në karrierën e saj, kantautori ka një ofertë të veçantë për mikeshën dhe artisten. Gjergj Leka: Unë nuk mund të mungoja sot në takimin tënd me një mike shumë të mirë që na kishte marrë malli dhe unë uroj që ky motiv ta ketë emocionuar sepse është një nga këngët e para që Mira ka interpretuar, e të ndjerit Kujtim Prodani, “Loti”, të kujtohet Mira? Besoj po. Më është bërë zemra mal të them të drejtën që të shoh që po kthehesh herë pas here në Shqipëri dhe uroj që të jetë për ty një rikthim i bujshëm edhe në muzikë. Ti e di sa shumë të çmoj, sa të kam çmuar që në hapat e tua të para dhe sa herë e falënderoj hallën time, zyshë Elenin, më prezantoi me ty atëherë në moshën 14-vjeçare. Të kujtoj me shumë respekt, me shumë nostalgji kur nisëm së bashku për të bërë atë recital që u përfol aq shumë, që deshën të na pengonin, por ia dolëm më së fundi dhe ti vure vulën që në atë moshë, nuk kishte ndodhur në Shqipëri, në atë vit. Për 35-vjetorin e atij eventi, po me atë skenografi, me atë të shkruarën e thjeshtë, të mirë, me atë skenografi që na bëri i madhi Rexhep Aliaj, me regjinë e Osman Mulës që e kemi akoma në aktivitet, ta organizojmë edhe njëherë. Kjo është oferta që të bëj unë dhe të uroj nga zemra si mik i mirë që jam i yti, që jeta të të bëhet muzikë në çdo moment, në çdo çast që ti merr frymë. Një show argëtues dhe informativ nga Rudina Magjistari, që shoqëron çdo pasdite familjet shqiptare, si programi më i ndjekur në këtë fashë orar, me të ftuar të shumtë VIP, por dhe njerëz të thjeshtë me historitë e tyre personale. #mirakonci #erasaraci Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/ #Rudina #RudinaMagjistari #TVKlan