ഹലാൻഡ് | ദി ഗോൾ മെഷീൻ | UNTOLD STORY | REAL REPORT KERALA

ഇംഗ്ലണ്ട് ക്ലബ്ബായ മാഞ്ചസ്റ്റർ സിറ്റിക്കും, നോർവേ ദേശീയ ഫുട്ബാൾ ടീമിനും വേണ്ടി മുന്നേറ്റനിരയിൽ കളിക്കുന്ന ഒരു നോർവീജിയൻ പ്രൊഫഷണൽ ഫുട്ബോൾ കളിക്കാരനാണ് എർലിങ് ഹാലൻഡ്. 2016 ൽ നാട്ടിൽ തന്നെയുള്ള ബ്രയിൻ എഫ്‌കെ ക്ലബ്ബിൽ നിന്നാണ് ഹാലൻഡ് തന്റെ കരിയർ ആരംഭിച്ചത്, അടുത്ത വർഷം മോൾഡ് എഫ്‌കെയിലേക്ക് മാറി, അവിടെ അദ്ദേഹം രണ്ട് വർഷം ചെലവഴിച്ചു. 2019 ജനുവരിയിൽ ഓസ്ട്രിയൻ ടീമായ റെഡ് ബുൾ സാൽ‌സ്ബർഗ് അദ്ദേഹവുമായി അഞ്ച് വർഷത്തെ കരാറിൽ ഒപ്പിട്ടു. 2019–20 യുവേഫ ചാമ്പ്യൻസ് ലീഗിൽ, തുടർച്ചയായി അഞ്ച് യുവേഫ ചാമ്പ്യൻസ് ലീഗ് മത്സരങ്ങളിൽ ഗോൾ നേടുന്ന ആദ്യ കൗമാരക്കാരനായി എർലിങ് ഹാലൻഡ്. 2019 ഡിസംബർ 29 ന്, ഹാലൻഡ് ഇരുപത് ദശലക്ഷം യൂറോ പ്രതിഫലത്തിന് ബോറുസിയ ഡോർട്മുണ്ടിലേക്കു ചേക്കേറി. 2019 ഫിഫ അണ്ടർ 20 ലോകകപ്പിൽ നോർവേക്കായി അരങ്ങേറിയ ഹാലൻഡ് ഗോൾഡൻ ബൂട്ട് കരസ്ഥമാക്കി. 2019 സെപ്റ്റംബറിൽ ഹാലൻഡ് നോർവേ സീനിയർ ടീമിൽ അരങ്ങേറ്റം കുറിച്ചു. 2020-21 ചാമ്പ്യൻസ് ലീഗ് ടോപ്പ് സ്കോറർ പദവി നേടി. 2020 ൽ ഗോൾഡൺ ബോയ് പുരസ്കാരവും 2021 ലെ ബ്യുണ്ടസ് ലീഗ് പ്ലയർ ഓഫ് ദി സീസൺ പുരസ്കാരവും നേടി. 2022 ൽ 60 ദശലക്ഷം യൂറോ പ്രതിഫലത്തിൽ മാഞ്ചസ്റ്റർ സിറ്റിയിലെത്തി. പ്രീമിയർ ലീഗിൽ ഏറ്റവും വേഗത്തിൽ രണ്ടാമത്തെയും മൂന്നാമത്തെയും നാലാമത്തെയും ഹാട്രിക്ക് നേടുന്ന താരമായി. പ്രീമിയർ ലീഗിൽ സ്വന്തം മൈതാനത്ത് തുടർച്ചയായി മൂന്ന് ഹാട്രിക്കുകൾ നേടുന്ന ആദ്യ താരമായി.