Буџет за 2026: Инвестиции за сите граѓани во Општина Центар

Советот на Општина Центар едногласно го усвои Буџетот за 2026 година – највисок досега, во износ од 1,21 милијарда денари, со јасен фокус на капитални инвестиции и подобар квалитет на живот. Со овој буџет инвестираме во проекти што значат повеќе грижа за најмладите и повозрасните, поквалитетно образование, уреден јавен простор и современа, функционална општина. Во 2026 година обезбедуваме: ✅ Изградба на дом за стари лица по европски стандарди ✅ Нова детска градинка кај Клиничкиот центар ✅ Граѓанско-административна зграда и нови паркинг-решенија ✅ Нови училишни базени ✅ Реконструкција на улици, пјацети и јавни површини ✅ Зголемени вложувања во зеленило Ја зајакнуваме и директната поддршка за граѓаните: ➡️ Еднократната помош за новороденче ја зголемуваме на 10.000 денари ➡️ Финансиската поддршка за повозрасни во социјален ризик на 5.000 денари ➡️ Воведуваме бесплатен оброк за учениците во целодневна настава ➡️ Обезбедуваме бесплатни екскурзии и поголеми вложувања во образованието ➡️ Ги зголемуваме стипендиите за талентираните ученици и спортисти за 1.000 денари, а за учениците од семејства во социјален ризик за 1.500 денари Продолжуваме со дигитализација и современи решенија – смарт систем за мерење бучава, Центарска картичка со поволности, мобилна ГИС-апликација и нова бесплатна Wi-Fi зона. Со двојно зголемен буџет за култура, 2026 година ја градиме како година на културен развој и поддршка на младите и уметноста. Ова е реален и транспарентен буџет, креиран заедно со граѓаните, насочен кон подобрување на секојдневниот живот во Центар.