SANAMU LA MJUSI MKUBWA DUNIANI (DINASAUR) KUWA KIVUTIO KWA WENYEJI NA WAGENI LINDI..

SANAMU LA MJUSI MKUBWA DUNIANI (DINASAUR) KUWA KIVUTIO KWA WENYEJI NA WAGENI LINDI.. Uwepo wa Sanamu ya mfano wa Mjusi mkubwa Duniani (Dinosaur)iliyojengwa katika moja ya makutano ya barabara manispaa ya Lindi mkoani Lindi umetajwa kuwa ni kivutio kwa wenyeji na wageni wanaoingia kwenye mji huo. Sanamu hiyo iliyopo eneo maarufu la uwanja wa Fisi katika moja ya makutano ya barabara ya kawawa – Mchinga pamoja na barabara kuu inayoelekea kusini na Kaskazini mwa mkoa huo Jijini Dar es salaam ni kielelezo tosha cha uwepo wa eneo linaloelezea upatikanaji wa mabaki ya viumbe hao (Dinosaur) ambao wamepata kuishi zaidi ya miaka Milioni 150 ambapo mabaki yake yaligunduliwa katika eneo la TENDAGURU jimbo la Mchinga kata ya mipingo wilayani humo zaidi ya miaka 100 iliyopita