လင်းခန့် - မေ့ရင်သွေး #အပိုင်း_၁ #rosemarysbaby #ဘာသာပြန် #အသံစာအုပ် #audiobook

ဆရာလင်းခန့် မြန်မာပြန်ပေးထားတဲ့ “မေ့ရင်သွေး” မူရင်းဝတ္ထု Ira Levin ရဲ့ “Rosemary’s Baby” ကို အသံထွက် ဖတ်ပြပေးတာပါဗျ။ “စာဖတ်သူအား ‘မရှိ’ကို ‘အရှိ’ဟု ယုံကြည်လာစေသည့် ထူးခြားဆန်းကြယ်သော ထိတ်လန့်ချောက်ချားဖွယ် ခေတ်သစ်စုန်းကဝေဒဏ္ဍာရီတပုဒ်” ဟု ကမ္ဘာကျော်ခေတ်ပြိုင်စာရေးဆရာကြီး ထရူးမန်းကပိုတီ(Truman Capote) က ဆိုခဲ့လေသည်။ Rosemary’s Baby သည် ထိုခေတ်က ထိတ်လန့်ချောက်ချားဖွယ် ဝတ္ထုလောကတွင် တဟုန်ထိုးကျော်ကြား၍ အရောင်းရဆုံး စာအုပ်များ၌ ထိပ်ဆုံးမှ ဗိုလ်စွဲကာ စောင်ရေလေးသန်းကျော် ရောင်းချခဲ့ရသလို ရုပ်ရှင်အနေဖြင့်ရိုက်ကူးရာမှာလည်း ထူးချွန်ဆုပေါင်းများစွာ ဆွတ်ခူးခဲ့သည်။ အမေရိကန်ရုပ်ရှင်တက္ကသိုလ် (AFI) မှ ရွေးချယ်သော ၁၉၂၃ မှ ၁၉၉၉ ခုနှစ်အတွင်း ထိတ်လန့်ချောက်ချားဖွယ်အကောင်းဆုံး ရုပ်ရှင် ၁၀၀ စာရင်း၌ နံပါတ် ၉ ချိတ်ရုံသာမက စာရေးဆရာ စတီဗင်ရှနိုက်ဒါး ပြုစုသည့် မသေခင် ကြည့်ကိုကြည့်သင့်သည့် ရုပ်ရှင် ၁၀၀၁ ကားတွင် ပါဝင်ခဲ့လေသည်။ ၁၉၆၈ ခုနှစ်တွင် ဒါရိုက်တာ ရိုမန်ပိုလန်စကီက ရုပ်ရှင်ရိုက်ခဲ့ရာ ရွှေကမ္ဘာလုံးဆု(ဇာတ်ဆောင်မင်းသမီး) နှင့် အော်စကာဆု(ဇာတ်ပို့မင်းသမီး) ကို ရရှိခဲ့သည်။ ရုပ်ရှင်ရိုက်ကူးရာတွင် စာအုပ်ပါ သမိုင်းဝင် အချက်အလက်များကို အတိအကျနီးပါး ထည့်သွင်းပုံဖော်ခဲ့သောကြောင့် ၂၀၁၄ခုနှစ်တွင် အမျိုးသားရုပ်ရှင် စိစစ်ရွေးချယ်ရေးအဖွဲ့က ယဉ်ကျေးမှုနှင့် သမိုင်းဆိုင်ရာ အထောက်အထားများအရ တန်ဖိုးထား ထိန်းသိမ်းရမည့် ရုပ်ရှင်အဖြစ် ရွေးချယ်ခဲ့လေသည်။ ၁၉၉၆ ခုနှစ်တွင် အီရာလီဗင်းကို ထိတ်လန့်သည်းဖို စာရေးဆရာများ အသင်းက ဘရမ်စတုတ်ကာ တသက်တာစာပေဆု ချီးမြှင့်ခဲ့ပြီး ၂၀၀၃ ခုနှစ်တွင် အမေရိကန် လျှို့ဝှက်သည်းဖို စာရေးဆဟာများအသင်းက ဂုဏ်ထူးဆောင်ထူးချွန်ဆု ထပ်မံချီးမြှင့်ခဲ့သည်။ ၂၀၁၀ ပြည့်နှစ်တွင် သူ၏ The Boys from Brazil (ဆရာမြတ်ငြိမ်း ပြန်ဆိုပြီး “ဟစ်တလာကို ပြန်လည်မွေးဖွားသူ”) ကို မဖတ်မဖြစ် လျှို့ဝှက်သည်းဖိုဝတ္ထု ၁၀၀ စာရင်း၌ ထည့်သွင်းခဲ့သည်။ အသက် ၇၈နှစ် အရွယ် ၂၀၀၇ခုနှစ်၊ နိုဝင်ဘာလ ၁၂ရက်နေ့တွင် ကွယ်လွန်သည်။ #လင်းခန့် #မေ့ရင်သွေး #IraLevin_Rosemary’sBaby အသံထွက်ဖတ်ပြခြင်းမှာ လိုအပ်ချက်များရှိခဲ့ရင် ကျနော့်တာဝန်ပါဗျ။ Subscribe My Channel    / @rodneysannlwinaudiobooks   Playlists    • ဂျူး ဝတ္ထုတိုများ