Shongkun ka Jingïaid Pilgrim bad Jingleh riewblei ïa ka Dohnud Bakhuid Tam U Jisu

Da ki hajar ngut tuid ki Paidriewngeit ka Diocese Jowai naduh ki rangbah, ki longkmie, ki samla, ki hepbarit, ki Lyngdoh, ki riewniam Kynthei bad shynrang sha ka Jingïaid Pilgrim ba shisien shisnem sha ka Shrine jong ka Dohnud Bakhuid Tam U Jisu ha Shnong Byndihati kaba la long ha ka 28 tarik u Jylliew 2026.. Mynta u snem ia ka Jingïaid pilkrim la sdang na Don Bosco College Byndihat naduh ka por 9 baje mynstep bud sa ka jingmane sakramen ha ka por 10 baje mynstep ba la ïalam da ka prayer Group Byndihati ha kaba u Fr Richard Shylla u la ai ka Jingpuson ba shongkun shongblei bad u Fr. Ebormitre Henry Lamare u la ai ia ka Jingkyrkhu. Ha ka por 1:30 nohphai sngi la pynlong ia ka Jingiaid Proseshon Dohnud Bakhuid Tam U Jisu da ki Jingduwai bad jingrwai bariewblei. La pynphuh pynphieng ia kane ka Proseshon da ki jingtem jingput ba sngewthiang na ka Band ki Khynnah Skul ka Sacred Heart Secondary School Byndihati. La pynkut ia kane ka jinglehriewblei jingiaid pilkrim da ka Mass Bakhuid ha ka por 2 baje nohphai sngi ia kaba la pynmynta da u Most Rev Ferdinand Dkhar DD Bishop ka Jowai Diocese ha ryngkat ka jingsynranlang U Fr. Martin Shylla Vicar General Jowai Diocese, Fr. Augustine Lamin Chancellor Jowai Diocese bad kiwei de ki lyndohsoh blei kiba trei hapoh ka Diocese Jowai. #jowai #shillong #nongstoin #catholic #christianfaith