شمر اللي شمر اللي شمر اللي - ماجد الرسلاني | 2025

لمتابعة الفنان ماجد الرسلاني عبرالصفحات الإجتماعية والموسيقية : https://alfan.link/MajedAlrslani للتواصل والتنسيق : +966 56 691 6136 ابتدى اللي كل ماغنّى جديده زاد في خوة هلا الوقفه رصيده ماجد الرسلاني ان غنى بشمّر ازهلوا من عندي ابيات القصيدة فواجب اهل الطيب من كل القبايل ماذخرنا صوتنا و الشك زايل كيف اجل في واجب الغالي مفرّح راعي الوقفات كسّاب الجمايل باسم ابو فواز واسم الطيب كله مرحبا يا مرحبا باللي وصلّه في فرحنا اليوم في معتز وهاني رحب مفرّح بضيفه في محله يابو فواز القدر بالصدر فينا وانت وافي ومن وفا راسك وفينا خوه وجيره وتقدير ومواقف مانسيتوها و لاحنا نسينا يامفرح دونك نسوق القوافي يا عريب الجد يالحر السنافي نتغنى فيك من فعلك وطيبك لانك سنافي تسلسل من سنافي من دعيت لحفلك وجتنا الرسايل ابتهجنا يا عريبيبن السلايل الوعد بارض الحفر يانسل شمّر كاسبين الطيب متعبت الاصايل والله ان فواز اخوي وتاج راسي قبل تجمعنا فصول ولاكراسي جيره وخوه وتقدير ومواقف كيف ما اجي له ويدفعني حماسي افرحوا عند الحبيشي حي فاله معرب الجدين من عمه وخاله في فرحهم نحضر ونوصل ونقصد مايكفينا اتصال و لا رساله وبلغوا معتز على العد الرهاوي يتفاخر باسم مخلفت الهقاوي فيه يزهى المدح وتزين القصايد وفيه يزهى العز والبشت الحساوي من يخاوي معتز ويعرف فعوله مايلوم اللي وصلوا حفله وجوله ونعم والله فيك يامعتز مفرّح قلته ومن هو عرف معتز يقوله وان ذكرنا الطِيبْ في جزل المعاني مانسينا راعي الوقفات هاني حي عين اللي ليا مني مدحته قلت قبله لي صح الله لساني ! لاطلبنا وقفته ماقد تنيسا لو تلين ظروفنا و لا تقيساا ذاخرينه نسل الاسلم حي راسه لاعتزى بالاسلمي راع اللحيسا فمدح شمّر وش اقول وش اخلي حي روس اللي على الطاله تهلّي لو ابمدحهم قصيدي راح كله شمر اللي شمر اللي شمر اللي شمر اللي مجدهم ماهو بتوه طيب راس وفزعه وجيره وخوه تشهد الدنيا بفعل رجال شمّر والمكارم و المراجل و المروه عبده وسنجاره كعام المعادي وعزوة الاسلم ليا حان الهدادي يقبلون وياخذون المجد كله بالكلام الذرب و الا بالهنادي مشرعينه ابوابهم و الكيف والم وذابحين الحيل قبل انّا نتسالم يشهد اللي فوق الارض بطيب شمّر ولاجحد طيب الطنايا غير ظالم يستحقون المديح اللي نقوله فحفل راعين المواقف و الرجوله الحسا يشهد وجيرتنا و حنا والحفر واللي سكن وسطه حوله واقبلوا منا السلام ورحمة الله من القلوب اللي بفرحكم مسفهله من عيال كويم تقدر ومحبّه يالطنايا يا هلا المعروف كله