បទយកការណ៍៖ «សំឡូតរីសត» ឱសថផ្លូវចិត្តកណ្តាលព្រៃភ្នំ នារដូវកាលបៃតង

បទយកការណ៍៖ «សំឡូតរីសត» ឱសថផ្លូវចិត្តកណ្តាលព្រៃភ្នំ នារដូវកាលបៃតង នៅពេលដែលដំណក់ទឹកភ្លៀងដំបូងៗ ចាប់ផ្តើមប្រោះព្រំលើដីកសិកម្ម និងព្រៃព្រឹក្សាដែលធ្លាប់តែស្រពោនដោយសារកម្តៅថ្ងៃ វាក៏ជាពេលវេលាដែលវេទមន្តធម្មជាតិបានប្រែពណ៌ផ្ទៃដីនៃតំបន់ជួរភ្នំក្នុងខេត្តបាត់ដំបង ឱ្យទៅជាពណ៌បៃតងខ្ចីត្រជាក់ភ្នែក។ ក្នុងចំណោមភ្នំតូចធំនៃស្រុកសំឡូត ដែលជាអតីតតំបន់សមរភូមិដ៏ក្តៅគគុកនាអតីតកាល បច្ចុប្បន្នបានផ្លាស់ប្តូរមុខមាត់ទាំងស្រុង ក្លាយជាដែនដីទេសចរណ៍ដ៏មានសក្តានុពល ដែលក្នុងនោះ «សំឡូតរីសត» កំពុងលេចត្រដែតឡើងជាគោលដៅលំហែអារម្មណ៍លំដាប់ជួរមុខ។