Avganistanski kebap | Hrana i Vino MKD

АВГАНИСТАНСКИ ЌЕБАП 500 гр мелено месо 500 гр компири 2 главици кромид лебни трошки 2 јајца 2 лажици вегета половина кафена лажица сода бикарбона 2-3 чешниња лук масло за јадење сол и црн пипер Потребно време за подготовка на ова јадење е 40 - тина минути. Претходно излупените и измиени компири ги сечкаме на коцки и ги ставаме во тенџере со вода на оган да се варат. Сварените компири ги ставаме во цедалка и ги плакнеме со студена вода. Исцедените компири со лажица ги гмечиме низ цедалката во поголем длабок сад. Главиците кромид и чешнињата лук ситно ги сечкаме и ги додаваме во садот. Јајцата ги кршиме и ги делиме жолчките од белките. Жолчките ги додаваме во длабокиот сад. Во садот ја додаваме вегетата, содата бикарбона и меленото месо. Посолуваме, наросуваме мелен црн пипер и состојките ги месиме со рака додека смесата не се соедини. Смесата ја ставаме во машина за мелење месо. Ја мелеме смесата на машината за мелење месо, а низ дополнителниот цилиндричен дел ги вадиме готовите ќебапи. Секој ќебап го свалкуваме во белка, а потоа во лебни трошки. Ќебапите ги пржиме во тава со загреано масло на оган. Претходно излупените компири ги сечкаме на многу тенки кругови и ги пржиме во друга тава со загреано масло на оган. Испржените ќебапи ги ставаме на чинија обложена со хартија, да ја впие непотребната мрснотија. Со лажица решетка ги вадиме испржените кругови компири од тавата и ги ставаме во подлабок сад обложен со хартија. Од двете страни на чинијата за сервирање ги редиме ќебапите. На средината помеѓу ќебапите го сервираме чипсот од компири. Авганистанските ќебапи ги декорираме со кечап и гранче француски магдонос. Со ова јадење ви предлагаме да се напиете квалитетно суво црвено вино Мерло со рубинцрвена боја. Се одликува со арома на презреано грозје, мед и смеса на карамелизирани шумски плодови. Хармоничниот вкус кај ова вино го дава балансот на киселините, екстрактот на алкохолот, заокружен со сладникав и јак фниш. Се служи на температура од 16-18 степени. Добар апетит. www.hranaivino.com.mk www.hranaivino.tv Subscribe for upcoming recipes:    / @hranaivinomkd   Follow us: Facebook:   / hranaivino