பெண் என்பவள் யார்? | முனைவர்.ஷியாமளா ரமேஷ்பாபு

சர் ஐசக் நியூட்டன் கல்வி நிறுவனங்களில் “மேதகு மாதரே” மகளிர் தின விழா நேற்று(19.03.2021)சிறப்பாக கொண்டாடப்பட்டது. வருடா வருடம் பல்வேறு துறைகளில் சிறந்து விளங்கும் பெண்களுக்கு விருது கொடுத்து கௌரவிக்கப்படுவார்கள். அந்த வகையில் இந்த வருடம் சமூக சேவையில் சிறந்து விளங்கும் பார்வை சவால் கொண்ட செல்வி கற்பகம் மாயவன் அவர்களுக்கும், முதல் தமிழக கால்பந்தாட்ட பெண் நடுவராக இருக்கும் திருமதி.ஜி.ரூபாதேவி அவர்களுக்கும்,யோகாசன பயிற்சியில் சிறந்து விளங்கும் முனைவர் சுபானு மணிவண்ணன் அவர்களுக்கும் மற்றும் பார்வை சவால் கொண்ட பின்னணி பாடகி கண்ணம்மா புகழ் செல்வி ஜோதி அவர்களுக்கும் வழங்கப்பட்டது. விழாவில் சிறப்பு விருந்தினராக சிந்தனை சொற்பொழிவாளர் முனைவர்.ஷியாமளா ரமேஷ்பாபு அவர்கள் கலந்து கொண்டு “பெண் என்பவள் யார்?” என்ற தலைப்பில் சிறப்புரையாற்றினார். அவர் பேசும் போது பெண்கள் அவர்களது கொண்ட நோக்கத்தை எந்த விதமான இடையூறுகள் வந்தாலும் அதனை பொருட்படுத்தாது நோக்கத்தில் முன்னேற வேண்டும் என உரையாற்றினார். விழாவில் தலைமையுரையாற்றிய கல்வி நிறுவனங்களின் தாளாளர் முனைவர்.த.ஆனந்த் அவர்கள் பெண்மையின் சிறப்பு பற்றி எடுத்துரைத்தார். விழாவில் அனைத்து கல்லூரி மாணாக்கர்களின் கலை நிகழ்ச்சி நடைபெற்றது. நிறுவனங்களின் செயலர் திரு.த.மகேஸ்வரன் அவர்கள் நன்றியுரையாற்றினார்.