2022 PEUGEOT 2008 I Square Car

I. Intro បើនឹកទៅដល់ម៉ាករថយន្ត ដែលមានអាយុកាលចំណាស់ជាងគេ នៅលើទីផ្សាពិភពលោក នាពេលបច្ចុប្បន្ននេះ! តើបងប្អូននឹងនឹកទៅដល់ម៉ាកយីហោរថយន្តអ្វីមុនគេ? សម្រាប់ខ្ញុំ ក្នុងនាមជាអ្នកស្នេហាវិស័យរថយន្ត ក៏ដូចជាអ្នកធ្វើការពាក់ព័ន្ធជាមួយនឹងវិស័យរថយន្ដមួយ ខ្ញុំនឹងនឹកទៅដល់ Brand Peugeot! បើគិតមកទល់ពេលបច្ចុប្បន្ននេះ Peugeot មានអាយុកាលឈរជើងលើទីផ្សារអស់រយៈពេលជាង ២០០ឆ្នាំហើយ! គឺគិតចាប់តាំងពីឆ្នាំ ១៨១០ មកម្ល៉េះ! តើរថយន្តរបស់អឺរ៉ុប Peugeot 2008 សេរីឆ្នាំ 2022 មានចំណុចអ្វីពិសេសខ្លះ ទើបវាបានក្លាយទៅជារថយន្ត ដ៏ពេញនិយមខ្លាំងក្នុងទីផ្សារពិភពលោក ក៏ដូចជាទទួលបាននូវការគាំទ្ររច្រើន ពីបងប្អូនប្រជាពលរដ្ឋកម្ពុជាយើង! កុំឱ្យខាតពេលយូរ សូមនាំអារម្មណ៍បងប្អូន តាមដានទស្សនាវីដេអូ ដូចតទៅ៖ II. Body សូមបញ្ជាក់បងប្អូនផងដែរ ក្រៅពីត្រូវបានគេចាត់ទុកថា ជារថយន្តដ៏ពេញនិយម ហើយលក់ដាច់ខ្លាំងក្នុងទីផ្សារពិភពលោក Peugeot 2008 ក៏ជារថយន្ដមួយដែលមាននូវ៖ ភាពទំនើប សន្សំសំចៃ ផាសុកភាព សុវត្ថិភាព និងសមត្ថភាព នៃការបើកបរខ្ពស់ផងដែរ Engine Spec: តួយ៉ាងរថយន្តនេះ បានបំពាក់នូវ៖ ម៉ាស៊ីនសាំង 3 ស៊ីឡាំង ទំហំ 1.2L Pure Tech Turbo កម្លាំង 130HP/ កម្លាំងរមួល 230NM ប្រអប់លេខ 6 វគ្គអូតូម៉ាតិច អត្រាស៊ីប្រេងឥន្ធនៈ ជាមធ្យមគឺ ចន្លោះពី 5-6L តែប៉ុណ្ណោះ ក្នុងរយៈចម្ងាយ 100KM Exterior design (Front): បើនិយាយអំពីការ Design វិញ កូនតោ Peugeot 2008 សេរីឆ្នាំ 2022 ទទួលបាននូវការកែប្រែមុខមាត់ថ្មី កាន់តែថ្មីប្លែក កាន់តែទាក់ទាញ កាន់តែទាន់សម័យ ចំណុចដែលត្រូវនិយាយគ្នាមុនគេ គឺ Logo រូបតោ ដែលជានិមិត្តរូបតំណាងឱ្យ ក្រុមហ៊ុន Peugeot មានទំហំ ផុសច្បាស់ គួរជាទីចាប់ភ្នែក ចង្កៀងខាងមុខ ជាប្រភេទ LED អមមកជាមួយនឹង Day time running light ហើយចង្កៀងខាងមុខ នេះមានមុខងារតម្លើងទម្លាក់ ក៏ដូចជារ៉េតាមចង្កូតដោយអូតូម៉ាតិច ស៊ីគ្នាជាមួយនឹងប៉ាណា ដែលមានទម្រង់នៃការរចនាតាមបែបស្ព័រ ត្រូវចិត្តយុវវ័យ បញ្ជាក់បងប្អូនបន្ដិច ផ្នែកខាងមុខបានបំពាក់មកនូវ Sensors ចំនួន 4 គ្រាប់ ហើយសម្រាប់ទទឹងប្រវែង 1,770 mm កម្ពស់ 1,550 mm Exterior design (Side) : ចូលមកកាន់ផ្នែកចំហៀង អ្វីដែលត្រូវនិយាយគ្នាមុនគេ គឺយ៉ាន់កង់ ជាក់ស្ដែង Peugeot 3008 2022 បានបំពាក់មកជាមួយនឹង យ៉ាន់កង់អាលុយមីញ៉ូម ទំហំ 17 inch រចនាបែបស្ព័រ ហើយវាក៏ជាចំណុច ដែលខ្ញុំស្រលាញ់ផងដែរ និយាយរួមទៅបើមើលទៅសម្រាប់ការរចនាផ្នែកចំហៀងទាំងមូលរបស់វា សម្រាប់គំនិតខ្ញុំគឺវាមើលទៅហាប់ រហ័សរហួន ផ្ដល់នូវអារម្មណ៍បែបស្ព័រ រថយន្តនេះមានបណ្ដោយប្រវែង 4,300 mm ឥឡូវដើម្បីកុំឱ្យខាតពេលយូរ តោះបងប្អូនចូលទៅកាន់ផ្នែកខាងក្រោយវិញម្ដង Exterior design (Rear): ចូលមកកាន់ផ្នែកខាងក្រោយ អ្វីដែលត្រូវនិយាយគ្នាមុនគេគឺស្ដុប ស្ដុបក្រោយគឺជាប្រភេទ LED ដែលមានភាពភ្លឺច្បាស់ មានទម្រង់បែងចែកចេញឆ្នូត 3 DNA របស់ Peugeot! កាងក្រោយ បំពាក់មកជាមួយនឹង Sensors 4 គ្រាប់! ហើយបើនិយាយពីផ្នែកឃ្លុបខាងក្នុង គឺវាជាជ្រៅចូលទៅក្នុង ដែលផ្ដល់នូវទំហំសម្រាប់ជាភាពងាយស្រួលក្នុងការផ្ទុកឥវ៉ាន់ស័ក្ដសមសម្រាប់ការប្រើប្រាស់ ក្នុងបរិបទគ្រួសារ! Interior (1st row): ចូលមកកាន់ខាងក្នុងដំបូង សម្រាប់ខ្ញុំមានអារម្មណ៍ថាការ Design ផ្នែកតាបឡូ របស់ Peugeot គឺ Unique ប្លែកពីគេហ្មង គឺវាមើលទៅទាន់សម័យ កាលីប អ្វីដែលពិសេស គឺដំបូលខាងលើជាប្រភេទ Panoramic roof គួបផ្សំជាមួយនឹងកៅអី ដែលជាប្រភេទស្បែក ដែលផ្ដល់នូវផាសុកភាពក្នុងការអង្គុយ ហើយចំណុចដែលខ្ញុំពេញចិត្តជាងគេ គឺទៅលើភ្លើង គឺការ Design នេះមិនមែនចេះតែរចនាមកទេ គឺធ្វើឡើងក្រោម Concept Eye cockpit Design ដូចជា៖ ការរចនាផ្នែកតាបឡូ អេក្រង់ប្រព័ន្ធកំសាន្ត អេក្រង់ផ្ដល់ពត៌មានសម្រាប់អ្នកបើកបរ ចង្កឹះលេខ ប៊ូតុងបញ្ជារមុខងារសំខាន់ៗ នៅផ្នែកកណ្ដាល ប្រព័ន្ធ Head-up display ជាប្រភេទ 3D Digital មានទំហំ 10 inch អេក្រង់ប្រព័ន្ធកំសាន្ដមានទំហំ 7 Inch មានមុខងារភ្ជាប់មកជាមួយនឹង Apple Car play និង Android Auto ប្រព័ន្ធបញ្ជាស៊ីតុណ្ហភាពក្នុងរថយន្តជាប្រភេទ Automatic ហើយអ្វីដែលពិសេស គឺម៉ាស៊ីនត្រជាក់របស់វាអាចបញ្ជារស៊ីតុណ្ហភាពទាបបំផុត បើប្រៀបជាមួយនឹងរថយន្តផ្សេងៗ ផ្នែកស្នូកកណ្ដាល ឬ Center console គឺបំពាក់មកនូវប៊ូតុង Auto hold ហ្រ្វាំងដៃអេឡិកត្រូនិក ប្រព័ន្ធសាកថ្មរឥតខ្សែរឬ Wireless charge ក៏ដូចជាប្រព័ន្ធជំនួយពេលចុះចំណោទ មុខងារកំណត់នូវ Drive mode ជាដើម កៅអីជួរទី1 ខ្ញុំមានប៉ុណ្ណឹង តោះបងប្អូនយើងចូលទៅកាន់កៅអីជួរទី2 វិញម្ដង! កៅអីជួរទី2 ផ្ដល់នូវភាពទូលាយសម្រាប់ការអង្គុយ ស័ក្ដសមសម្រាប់គ្រួសារដែលមានសមាជិក 5នាក់! ក្រៅពីភាពធំទូលាយ បងប្អូនក៏ទទួលបាននូវម៉ាស៊ីនត្រជាក់ផ្នែកខាងក្រោយ អមមកជាមួយនឹងកន្លែងដាក់កែវទឹក ឬ Cub holder ជាច្រើនកន្លែង កាន់តែផ្ដល់នូវភាពងាយស្រួល! កៅអីជួរទី2 ខ្ញុំមានប៉ុណ្ណឹង! ឥឡូវយើងចូលទៅកាន់វគ្គ Test drive វិញម្ដង! Test drive: មានប្រព័ន្ធបន្សុតខ្យល់ក្នុងរថយន្តល្អ ធ្វើឱ្យមានអារម្មណ៍ស្រស់ស្រាយ ពូកស្បែកក៏ទន់ ជាពិសេសគឺសន្ទុះល្បឿនស្ទុះល្អ ជាន់បានតាមចិត្ត ហើយបើនិយាយពីលំនឹងវិញ សូមជូនពិន្ទុះ 9/10។ តួយ៉ាងរថយន្ត Peugeot 2008 សេរីឆ្នាំ 2022 នេះបានបំពាក់មកនូវប្រព័ន្ធមុខងារសុវត្ថិភាពសំខាន់ផ្សេងៗ រួមមាន៖ ប្រព័ន្ធ High beam assist ប្រព័ន្ធ Blind spot monitoring ប្រព័ន្ធ Active Lane Keeping Assist ប្រព័ន្ធ Safety brake ប្រព័ន្ធ Attention Warning ប្រព័ន្ធហ្វ្រាំង ABS ប្រព័ន្ធហ្រ្វាំង EBD ប្រព័ន្ធជំនួយចាប់ហ្រ្វាំងបន្ទាន់ EBA ប្រព័ន្ធទប់លំនឹង ESP ប្រព័ន្ធ Dynamic stability control DSC និងប្រព័ន្ធ Anti-Skid Regulation (ASR) ប្រព័ន្ធជំនួយពេលឡើងចំណោទ រួមជាមួយនឹងប្រព័ន្ធមុខងារបន្ទាប់បន្សំមួយជំនួនទៀត III. Conclusion គឺជារថយន្តម៉ាកយីហោរបស់អឺរ៉ុប មានលក្ខណៈ ទំនើប សន្សំសំចៃ សុវត្ថិភាព និងសោភ័ណភាពទាក់ទាញទាន់សម័យតម្លៃ ជាង4ម៉ឺនដុល្លារ! សម្រាប់ពត៌មានលម្អិត បងប្អូនអាចធ្វើការទំនាក់ទំនងមកកាន់ គេហទំព័រផ្លូវការរបស់ក្រុមហ៊ុន Peugeot Cambodia ក៏ដូចជាលេខទូរស័ព្ទ និងអាសយដ្ឋាន ដែលបានដាក់នៅខាងចុងវីដេអូនេះ! សូមអរគុណ!