335-maktabning yangi binosi foydalanishga topshirildi

335-maktabning yangi binosi foydalanishga topshirildi Bugun Yangihayot tumanining “Yangi Gulzor” mahallasida joylashgan 335-sonli umumta’lim maktabining 720 o‘rinli yangi binosi tantanali ravishda foydalanishga topshirildi. Ochilish marosimida Toshkent shahar hokimi o‘rinbosari, tuman hokimi o‘rinbosari,mas'ul rahbarlar, nuroniylar, mahalla faollari, ustozlar hamda o‘quvchilar ishtirok etdi. Tadbirda so‘zga chiqqanlar bunday zamonaviy ta’lim muassasalarining bunyod etilishi yoshlar ta’lim-tarbiyasiga qaratilayotgan yuksak e’tiborning yaqqol ifodasi ekanini alohida ta’kidlab, maktab jamoasi va o‘quvchilarining kelgusi faoliyatiga ulkan muvaffaqiyatlar tiladi. Shundan so‘ng ramziy qizil lenta kesilib, yangi bino rasman ochildi. Shuningdek, mas’ullar maktabda yaratilgan shart-sharoitlar, zamonaviy sinfxonalar va dars jarayonlari bilan yaqindan tanishdi.