سورة المعجزات وقضاء الحوائج | سر سورة يس

اتقال عن سورة يس «إن لكل شيء قلبًا، وقلب القرآن يس» يعني سورة يس مش بس آيات بتتقرأ، دي روح ، ودواء للقلب، ونور في وقت الظلمة. وسيدنا النبي ﷺ قال : «اقرؤوا يس على موتاكم» والمقصود مش الموت الجسدي بس، لكن كمان موت القلوب… القلب اللي قاسي، اللي مليان هم، اللي بقى مش حاسس. ربنا بيقول في سورة يس: ﴿وَآيَةٌ لَهُمُ الْأَرْضُ الْمَيْتَةُ أَحْيَيْنَاهَا﴾ زي ما ربنا بيحيي الأرض الميتة، يقدر يحيي قلبك، حالك، رزقك، وأملك من جديد. وسورة يس كلها بتأكد حقيقة واحدة: إن ربنا هو المتصرف، هو اللي بيفتح، وهو اللي يقفل، هو اللي يشفي، وهو اللي يرزق، هو اللي يفرج، وهو اللي يغير الأحوال. ﴿أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ﴾ اللي يمسك في ربنا، مستحيل يضيع. في سورة يس ربنا بيقول: ﴿سَلَامٌ قَوْلًا مِنْ رَبٍّ رَحِيمٍ﴾ تخيل… ربنا بنفسه بيقول لك سلام. سلام على قلبك، على روحك، على اللي جاي في حياتك. وفي آية تهز القلب: ﴿لِيُنْذِرَ مَنْ كَانَ حَيًّا﴾ يعني القرآن مش بيتوجه غير للي قلبه لسه حي، ولسه عنده أمل. النبي ﷺ قال: «من لزم الاستغفار جعل الله له من كل هم فرجًا، ومن كل ضيق مخرجًا، ورزقه من حيث لا يحتسب» وسورة يس مليانة معاني الاستغفار والرجوع واليقين. لو عندك حاجة نفسك فيها ومش شايف لها طريق… افتكر الآية دي: ﴿وَمَا ذَلِكَ عَلَى اللَّهِ بِعَزِيزٍ﴾ مفيش حاجة صعبة على ربنا. ﴿فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ﴾ كل حاجة في إيده، وانت واحد من الحاجات دي. اقرأ سورة يس بقلب مش بس بالسان، اسمعها وانت موقن إن ربنا سامعك، وافتكر دايمًا إن ربنا قال: ﴿وَقَالَ رَبُّكُمُ ادْعُونِي أَسْتَجِبْ لَكُمْ﴾ ربنا ما بيكسرش بخاطر حد لجأ له بصدق… والفرج دايمًا أقرب مما تتخيل.