فیلمی سینەمایی کوردی ( هەڵۆکانی جەنگ ) باس لە جەنگی کوردو داعش دەکا

باس لە جەنگی نێوان پێشمەرگەو داعش دەکات بە بەرزترین کوالێتی ئێستا بەردەستە خودا هەموو پێشمەرگەکان بپارێزێت سڵاو لە گیانی پاکی شەهیدانی کوردستان فیلمی هەڵۆکانی جەنگ،  لە شاری خانەقین تۆماردەکرێت، کە باس لە قارەمانییەتی و رووبەڕووبوونەوەی پێشمەرگە لەگەڵ داعش دەکات.   فیلمه‌کە‌ له‌ نووسین و ده‌رهێنانی كاروان ئاواته،‌ زیاتر له‌ ٢٠ ئه‌كته‌ری ناوداری سلێمانی و گه‌رمیان رۆڵی تێدا ده‌بینن، فیلمی هەڵۆکانی جەنگ‌، گێڕانه‌وه‌ی چیرۆكه‌ نه‌بیستراوه‌كانی پێشمەرگەیە لە به‌رەکانی جه‌نگه. كاروان ئاوات ده‌رهێنه‌ر لەبارەی ئەم فیلمەوە بەرووداوی راگەیاند ''بڕیارە ئەم فیلمە بۆ یەکەمجار لە کوردستان نمایش بکرێت، دواتر دەچێتە فێستیڤاڵەکانەوە، هەروەها دڵنیام ئەم فیلمە دەبێتە نوێنەری هەموو پێشمەرگەکان لە جیهاندا". كاروان دەشڵێت "فیلمەکە‌ باسی چۆنیەتی دروست بوونی ڕێكخراوی داعش و رووبەڕووبوونه‌وه‌كانی پێشمه‌رگه‌‌ له‌گه‌ڵ ئه‌و رێكخراوه‌دا ده‌كات، تاوەكو ئه‌و ساته‌ی لیوا حوسێن مەنسوور له‌گوندی مه‌لا عه‌بدوڵڵا شه‌هید ده‌بێت. به‌كر مسته‌فا ئه‌كته‌ری کورد دەبارەی رۆڵی خۆی لە فیلمی هەڵۆکانی جەنگ دەڵێت'' من رۆڵی لیوا حوسێن مەنسوور دەبینم، رەنگە نەتوانم سەدا سەد رۆڵی حوسێن مەنسوور ببینم،بەڵام دەتوانم بڵێم دەتوانم لە رێگەی ئەم فیلمەوە خزمەتێکی بچووکی ئەم قارەمانە بکەم". له‌ پشتی كامێراوه‌ دووستافی بیانی كارده‌كه‌ن، ماوه‌ی ٨ مانگه‌ له‌ ٤ میحوه‌ری هێزه‌كانی پێشمه‌رگدا خه‌ریكی تۆماركردنی فیلمه‌كه‌ن ٨٠% كاره‌كان ته‌واو بووه،‌ به‌ڵام دیار نییه‌ ئەم فیلمە كه‌ی ئاماده‌ ده‌بێت بۆ نیشاندان. له‌ ساڵی ٢٠١٦  زیاتر له‌ ده‌ فیلمی سینه‌مای به‌ناوی پێشمه‌رگه‌وه‌ به‌رهه‌مهێنراوە و له‌سه‌ر سكرینی سینەما جیهانییه‌كان نمایشکراون.