Shkozet – Pallati u shemb, por nuk regjistrohet. Banorëve s’u jepet bonos qiraje

Bonuset e qirasë për të dëmtuarit nga tërmeti kanë nisur të lëvrohen që në fund të dhjetorit, por banorët e një pallati të shembur në Shkozet të Durrësit nuk kanë mundur të përfitojnë prej tij ndaj kanë protestuar mesditën e së martës. Një gabim në sistemin online të gjendjes së godinave në Durrës e vlerëson pallatin nr. 458 në Shkozet si të banueshëm ndërsa më 8 dhjetor pallati u shemb nga IKMT me shpërthim të kontrolluar. Sipas banorëve, kjo është një vrasje e dytë për ta, ndërkohë që kishin raportuar dhe mbi dëmtimin e strukturës së pallatit nga ndërhyrja në katin e parë të tij nga një subjekt privat edhe 2 ditë para rënies së tërmetit të 26 nëntorit. Banorët kanë mbetur pa strehë dhe shumë prej tyre nuk e përballojnë dot pagesën e qirasë, ndaj kërkojnë ndërhyrjen e shpejtë për situatën e tyre si dhe mundësinë që sa më parë të nisë rindërtimi i pallatit në të njëjtin vend. Në bashkinë e Durrësit thanë për Top Channel se lista me 24 familjet e këtij pallati do të kalojë sa më parë për lëvrimin e bonusit të qirasë, ndërsa është rregulluar dhe lapsusi në sistem. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #EarthquakeAlbania#Shkozet#TopChannel