Registration of Gunthewari documents started I गुंठेवारीच्या दस्तऐवजांची नोंदणी चालू झाली

तुकडेबंदी कायद्याची बंदी उठवली गेली? गुंठेवारीच्या दस्तऐवजाची नोंदणी सुरू झाली? तुकडेबंदी कायद्याखाली दस्तनोंदणी सुरु झाली? गुंठेवारी दस्तांची नोंदणी सुरु झाली? The ban on Fragmentation Act was lifted? Gunthewari document registration started? Registration started under the Fragmentation Act? Gunthewari squad registration started? Mission for Law Education. Dhanraj Kharatmal. Valuable Education #Tukdebndi#Guntewari#IGRMaharashtra#DhanrajKharatmal महाराष्ट्र सरकारनं तुकडेबंदी कायद्यासंदर्भात एक अध्यादेश जारी केलायं. त्यामुळे सगळ्याच लोकांना वाटू लागलंयं की आता आपल्याला गुंठेवारीचे व्यवहार करता येणार, गुंठा दोन गुंठे जमीन खरेदी करता येणार, तसेच पुर्वी नोंदलेले तुकड्यांचे व्यवहार नियमित केले जाणार, अनेक युट्युबरनी तुकड्याचे व्यवहार सुरु होणार म्हणून अनेक व्हिडीओ देखील टाकलेत. पण खरोखरच तशी परिस्थिती आहे का. याप्रमाणे गुंठेवारी अथवा तुकड्यांचे व्यवहार सुरू झालेले आहेत का. यात नक्की काय खरं आहे ते आपण आजच्या या व्हिडिओतून जाणून घेणार आहोत. १९९८ ला तुकडा खरेदी केला आहे त्याची आता मला विक्री करता येईल का. साळकरजी तुम्ही सन १९९८ मध्ये तुकड्याची खरेदी केली आहे. त्याबाबतची नोंद तुमच्या सातबारासदरी करण्यात आलेली असेल. तसेच तुम्ही विकत घेतलेला तुकड्याचे क्षेत्र प्रमाणभूत क्षेत्रापेक्षा कमी नसेल तर तुम्हाला आता त्या तुकड्याची विक्री करण्यास कोणतीही अडचण येणार नाही.२०२४ ला २ गुंठे नोटरी केली आहे. आता त्याचे रजिस्ट्रेशन करता येईल का. तुषारजी या ठिकाणी एक गोष्ट लक्षात घ्या दि. १५ ऑक्टोबर २०२४ रोजी जो अध्यादेश जारी करण्यात आलायं त्या अध्यादेशानुसार तुम्ही जर प्रमाणभूत क्षेत्रापेक्षा कमी क्षेत्राची खरेदी दि. १५ ऑक्टोबर २०२४ पुर्वी नोंदणीकृत खरेदीखताच्या दस्तऐवजाने केलेली असेल तर अशा तुकड्याच्या नोंदी सातबारासदरी करण्याकरीता बाजारमुल्याच्या २५ टक्के ऐवजी फक्त ५ टक्के नियमाधिनकरण अधिमुल्य भरुन घेवून असे व्यवहार नियमीत करण्यसाठी हा अध्यादेश जारी करण्यात आलायं. त्यामुळे तुम्ही २०२४ ला २ गुंठे शेतजमीन नोटरी करुन घेतली आहे. खरं तर तुकडेबंदी कायदा व त्याबाबतचे परिपत्रक दि. १२ जुलै २०२१ चे लागू असताना तुम्ही दोन गुंठे शेतजमीन नोटरी खरेदीखताने घेतली आहे. त्याचे रजिस्ट्रेशन करण्याची कोणतीही तरतूद या अध्यादेशात करण्यात आलेली नाही.शेतीमधील १ गुंठा जमीन इमारतीसह विकत घेतली आहे. आता ५ टक्के भरुन त्याचे रजिस्ट्रेशन करता येईल का. या ठिकाणी सर्वप्रथम हे लक्षात घेणं आवश्यक आहे की, एखादा व्यवहार नियमित करणं आणि एखाद्या व्यवहाराचे रजिस्ट्रेशन करणं या दोन्ही बाबी निरनिराळ्या आहेत. तुकडेबंदीचे नियम लागू असताना तुम्ही शेतमीमधील १ गुंठा जमीन इमारतीसह विकत घेतलीयं. तो व्यवहार तुम्ही रजिस्टर खरेदीखताने केलेला असेल तर ५ टक्के नियमाधिनकरण अधिमुल्य भरुन तुम्हाला नक्कीच नियमित करुन घेता येईल. २००५ मध्ये वरकस जमिनीचे खरेदीखत केले आहे त्याला हा जीआर लागू होईल का. सन २००५ मध्ये खरेदीखताने विकत घेतलेली वरकस जमीन जर प्रमाणभूत क्षेत्रापेक्षा कमी असेल तर तुमच्या खरेदीखताची नोंद सातबारासदरी झालेली नसेल. त्यामुळे दि. १५ ऑक्टोबर २०२४ च्या अध्यादेशाचा फायदा घेवून तुम्ही केलेले खरेदीखताचे ५ टक्के भरुन नक्कीच तुम्हाला नियमाधिनकरण करुन घेता येईल. तसेच विकत घेतलेल्या जमीनीची नोंद सातबारासदरी करुन घेता येईल. 1 ते 5 गुंठे खरेदी करू शकतो का ? श्रीवर्धन तालुक्यातील एका गावात जागा खरेदी करायची आहे...कृपया याबद्दल सांगा. मंगेशजी तुम्हाला श्रीवर्धन तालुक्यात ५ गुंठ्यापर्यंत जागा खरेदी करायची आहे. त्याची तुम्हाला खरेदी करता येईल का असा प्रश्न तुम्ही विचारलायं. शासनाने दि. १५ ऑक्टोबर २०२४ रोजी जो अध्यादेश जारी केला आहे तो जमीन खरेदीविक्रीसाठी नक्कीच नाही. १०. फक्त दि १५ ऑक्टोबर २०२४ पर्यंत प्रमाणभूत क्षेत्रापेक्षा कमी क्षेत्राची खरेदीविक्री झालेली आहे त्या संदर्भात हा अध्यादेश जारी करण्यात आलायं. त्यामुळे या अध्यादेशानुसार जर तुम्हाला कोणी सांगत असेल की तुकड्याचे व्यवहार चालू झालेत तर ते साफ खोटं आहे. फक्त दि. १५ ऑक्टोबर २०२४ पर्यंत जे व्यवहार झालेले आहेत ते नियमाधिनकरण करुन घेण्यासाठी हा अध्यादेश जारी करण्यात आलायं. ११ गुंठे जमीन सामूहिक खरेदी केली प्रमाणभूत क्षेत्रापेक्षा कमी क्षेत्राची खरेदीची नोंद होत नसल्याने अनेकांनी ११ गुंठे जमीन सामायीकरित्या खरेदी केलेली असेल. असे प्रकार अनेक शहरांच्या आजूबाजूच्या जमीनीबाबत झालेले आहेत. मग ते पुणे असो, ठाणे असो, किंवा औरंगाबाद. अशा ठिकाणी अनेक लोकांनी सामायीकरीत्या ११ गुंठे शेतजमीन खरेदी केलेली आहे. खरेदीखतात कुणाच्या नावे १ गुंठा तर कुणाच्या नावे चारपाच गुंठे शेतजमीन खरेदी केलेली आहे. या अनुषंगानेच राजेंद्र जाधव यांनी मला हा प्रश्न विचारल्याचे दिसून येते. मित्रांनो सगळ्यात अगोदर हे लक्षात घ्या की खरेदीकरताना प्रमाणभूत क्षेत्रापेक्षा जास्त असल्याचे दिसून यावे म्हणून हा सगळा प्रकार केल्याचे दिसून येत आहे. त्यामुळे अशाप्रकारे घेतलेल्या शेतजमीनींचे स्वतंत्र सातबारा तयार होणार नाहीत.माझी ३ आर शेत जमीन आहे व त्याचे वेगळे 7/12 पण आहे. ते मला विकता येणार का. मित्रांनो, कोकण विभागातल्या किंवा खुद्द कोकणातल्या काही जमिनींचे सातबाराचे उतारे हेच मुळी गुंठा दोन गुंठ्याचे असतात. त्यामुळे सातबारावर असलेल्या क्षेत्रापैकी तुकडे करुन तुम्हाला जमीन विकता येणार नाही. सातबारावर असलेले गुंठा ते दहा गुंठे इतके संपुर्ण क्षेत्र तुम्हाला विकता येईल. १४. अर्जून कदम यांनी विचारलंय की, सर आम्ही कधीही रद्द न होणारे मोबदल्याचे कुलमुखत्यार साठेखत केले आहे त्याची रजिस्ट्रेशन फी सुद्धा शासनाला भरली आहे. मग आमचा दस्त होऊ शकतो का प्लीज मार्गदर्शन करा. अर्जूनजी तुम्ही किती जमीन खरेदी केलेली आहे याचा प्रश्नात उल्लेख केलेला नाही.