შვილი: ნაზუჩა ბალხამიშვილი

ნაზუჩა ბალხამიშვილი 18 წლისაა. თითქმის 5 წელია, კასპის რაიონში, სოფელ ოკამში, მამასთან ერთად ცხოვრობს. მსახიობობაზე ოცნებობს და დარწმუნებულია, რომ ცხოვრებისეული გამოცდილება დაეხმარება გახდეს კარგი არტისტი. მერე რა, რომ მისი წარსული მძიმე ბავშვობაა - ჯერ უმამობა, მერე უდედობა და ნინოწმინდის ბავშვთა ჩაკეტილ პანსიონში გატარებული წლები, იმ პანსიონისა, რომელსაც ნაზუჩა „ციხეს“ ეძახის. „შვილის“ ახალი ეპიზოდის გმირი ამბობს, რომ მსხვერპლი არ არის და არა აქვს სურვილი თავი შეაცოდოს ადამიანებს. ნაზუჩა ამაყობს იმით, რომ დაკარგული სახლი და, რაც მთავარია, დაკარგული თავისუფლება დაიბრუნა.